“မြတ်ဘုရား သာသနာ” ============= ■ဘရွှေမြေးနဲ့ ပါချုပ်ဆရာတော်ကြ | တပ်ကြပ်ကြီး ဖိုးစီ🇲🇲

“မြတ်ဘုရား သာသနာ”
=============
■ဘရွှေမြေးနဲ့ ပါချုပ်ဆရာတော်ကြီးတို့ အမေးအဖြေလုပ်တဲ့ အထဲမှာ “နောင် ဘုရား ဘယ်ချိန်ပွင့်မှာလဲလို့ မေးတာရှိတယ်။ နောက်ဆက်စပ်မေးခွန်းတစ်ခုက တော့ ဘုရား လောင်းက ဘယ်မှာရှိနေတာလဲဆိုတဲ့ မေးခွန်းတစ်ခု။

■ ဆရာတော်ကြီး ပြန်ဖြေတာက “ ဒို့ ဒီကမ္ဘာမြေကြီးက ဘုရား ၅ ဆူ ပွင့်တော်မူမှာမို့ ဘဒ္ဒ ကမ္ဘာလို့ ခေါ်တယ်ပေါ့။ သမိုင်းကျမ်းစာတွေထဲမှာတော့ ဘုရား ၁ ဆူတည်းပွင့်တော်မူရင် သာရကမ္ဘာ၊ နှစ်ဆူ ပွင့်တော်မူရင် မဏ္ဍကမ္ဘာ၊ ၃ ဆူပွင့်တော်မူရင် ဝရကမ္ဘာ၊ ၄ ဆူပွင့်တော်မူရင် သာရမဏ္ဍကမ္ဘာနဲ့ ငါးဆူ ပွင့်တော်မူရင် ဘဒ္ဒကမ္ဘာဆိုပြီး သတ်မှတ်ထားတယ် လို့ဆိုတယ်။ ဆိုတော့ ဒီကမ္ဘာမှာ နောင် ဘုရားအဖြစ်နဲ့ ပွင့်တော်မူ မဲ့ အရိမေတ္တေယျဘုရား ဆိုပြီး ကျန်သေးတယ်လို့ မိန့်တော်မူတယ်။ တဆက်တည်း မေးခွန်းကို ပြန်ကောက် ရရင် ဘုရားတွေဟာ လူ့သက်တမ်းဆုတ်ကပ်ဖြစ်တဲ့ နှစ် ၁၀၀ အောက် သက် တမ်းတွေမှာ မပွင့်သလို လူ့သက်တမ်း ထောင်ချီသောင်းချီ ရှိနေချိန်မှာလည်း မပွင့်ဘူး လို့ ဟောတော်မူတယ်။ ဥပမာ ခု ဒို့ နှစ်သက်တမ်း ၁၀၀ ပတ်ခြာလည် ရှိနေချိန်မျိုးမှာ ဘုရား ပွင့်တော်မမူဘူးပေါ့။ နောင်ပွင့်တော် မူမဲ့ ဘုရားကတော့ လူသက်တမ်း ၈ သောင်း မှာ ပွင့် တော်မူမယ်လို့မိန့်တော်မူခဲ့တယ်။

■ အရိမေ‌တ္တေယျဘုရားအကြောင်းပြန်ဆက်ရရင် သိပ်ကို အံ့ဩစရာကောင်း တဲ့ အချက်တွေဖတ်ရတယ်။ မြတ်ဘုရားက တခုသော ကပ်ကမ္ဘာမှာ သိရိမနတ ဘုရား ပွင့်တော်မူတဲ့အချိန် စကြဝတေးမင်းဖြစ်တဲ့ ဘုရားလောင်းဟာ သိရိမန တ ဘုရားကို ဖူးမျှော်ဖို့ သွားခဲ့တယ်။ ရှင်ဘုရားနဲ့တွေ့ချိန်မှာ ကြည်ညို လွန်းလို့ ခေါင်းကို လက်သည်း နဲ့ဖြတ်ပြီး ဘုရားဆုပန်ခဲ့ တယ်လို့ ကျမ်းဂန်တွေမှာ ဆိုတယ်။ နောင်မှာတော့ ကေတုမတီ ပြည်က ပုဏ္ဏား မျိုးနွယ်မှာပဲ မွေးဖွား တော်မူပြီး အရွယ်ရောက်တဲ့အခါမှာ စန္ဒာမုခီဆိုတဲ့ ပါရမှီဖြည့်ဘက်နဲ့ ထိမ်းမြှား လက်ထပ်တော်မူမယ်ပေါ့။ နောက်ဘုရားအဖြစ်ကို ရောက်ဖို့ ရာအတွက်လည်း အချိန်အားဖြင့်(၇)ရက်ပဲ ယူမှာဖြစ်သလို သက်တော်အနေနဲ့လည်း (၈)သောင်း၊ သာသနာအနေနဲ့လည်း အနှစ် ၁သိန်း ၈ သောင်းတိုင်တိုင် တည်မယ် လို့ဆို တယ်။ နောက်ဘုရားလောင်း ဘယ်မှာရှိနေသလဲဆိုတဲ့ အဖြေကိုတော့ ဘုရား လောင်းနဲ့ ဘုရားလောင်းမိခင်တို့ဟာ တုသိတာဘုံ(နတ်သက်တမ်းနှစ် ၄သောင်း)မှာ ရှိနေတယ်လို့ ပြန်ဖြေခဲ့တယ်။


■ စန္ဒမုခီဆိုတဲ့ ပါရီမှီဖြည့်ဘက်အကြောင်းတွေ့မှ ဂေါတမမြတ်ဘုရားရဲ့ ထင်ရှားတဲ့ ဇာတ်ကြီး (၁၀)ဆယ်ဘွဲ့ကို သတိရမိပြန်တယ်။ ဒီဇာတ်ကြီး ၁၀ ဘွဲ့ထဲမှာတော့ ဝေဿန္တရာ ဇာတ်တော်ကြီးက နောက်ဆုံးလည်းဖြစ်တယ်။ ပါရမှီ ဖြည့်ဘက်ကတော့ မဒ္ဒီဒေဝီပေါ့။ ထုံးစံအတိုင်း ဘုရားလောင်းဖြစ်တဲ့ ဝေဿန္တရာမင်းကြီးက တရားပဲ အားထုတ်တယ်။ သစ်သီးရှာတာတွေကိုတော့ ပါရမီဖြည့်ဘက်ဖြစ်တဲ့ မဒ္ဒီဒေဝီကပဲ လုပ်ကျွေးခဲ့တာပေါ့။ ဒီလို ဘုရားလောင်း ရဲ့ပါရီမီဖြည့်ဘက်အဖြစ်နဲ့ လုပ်ကျွေးနိုင်ဖို့ရာ ဆိုတာကလည်း စာပေကျမ်းဂန် ထဲမှာတော့ ဘုရာအဆူပေါင်း ကဋေ ၂ သိန်းကျော် ဆုပန်ခဲ့တာဖြစ်တယ်။ ကြားဘဝတွေထဲမှာတော့ ဘုရားလောင်းအတွက် ပါရီမီပြည့်ဖို့ မျက်လုံးအစုံကို ထုတ်လှူခဲ့တဲ့ ဘဝပေါင်းများစွာ၊ အသက်ကို စွန့်ပြီးလှူခဲ့ရတဲ့ ဘဝပေါင်းများစွာ၊ သားသမီးတွေကို စွန့်လွှတ်လှူဒါန်းခဲ့တာတွေ ကလည်း မရေမတွက်နိုင်အောင် ရှိသလို ဘုရားလောင်းလှူဒါန်းလိုက်လို့ ဆန္ဒမပါဘဲ သူများ ဇနီး မယား ဖြစ်ခဲ့ရတဲ့ ဘဝတွေကလည်း အသင်္ချေရှိခဲ့တယ်လို့ ဆိုတယ်။


■ အဲ့တော့ ယသော်ဓရာ ပရိနိဗ္ဗာန်စံမဲ့နေ့မှာ ဘုရားရှင်နဲ့တွေ့ချိန် သံသရာ တစ်လျှောက် ပြစ်မှားမိခဲ့တဲ့ အပြစ်တွေရှိရင် ကျေအေးပေးဖို့ ဘုရားရှင်ကို ဝန်ချတောင်းပန်တဲ့ အခါ မြတ်စွာ ဘုရားက ဘာမိန့်တော်မူလဲဆိုတော့ “ ယသော်ဓရာ နင်လည်း ပရိနိဗ္ဗာန် စံရတော့ မယ်။ ဒီဘဝက နင့်ဘဝရဲ့နောက်ဆုံး လည်းဖြစ်တယ်။ ဒီဘဝပြီးရင် အဆုံးတိုင် မတွေ့ကြ တော့ပြီမို့ ခွင့်လွှတ်ပေး ဖို့တောင်းပန်တယ်ဆိုတာ သဘာဝမကျဘူး။ ငါတို့တွေလည်း နောင် တဖန် တွေ့မဲ့ ဘဝမရှိတော့တာဖြစ်လို့ တောင်းပန်နေတော့ရော၊ ခွင့်လွှတ်တော့ရော ဘာထူးဦးမှာလဲ”လို့ မိန့်တော်မူခဲ့တယ်။


■ တကယ်တော့ ယသော်ဓရာ ဆိုတာ ခု မြန်မာ အမျိုးသမီးတွေကို စကားပုံနဲ့ ခိုင်းနှိုင်း နေကြတဲ့ “အမရာ၊ ကိန္ဒရီ၊မဒီ( မဒီကတော့ ခု ဝေဿန္တရာ ဇာတ်တော် ထဲက ဘဝ) ဆိုတဲ့ အမျိုးသမီးပဲဖြစ်တယ်။ သမ္ဘူလကတော့ ကောသလမင်း ကြီး ရဲ့ မိဘုရား မာလိကာ ဒေဝီ ပေါ့။


■ ပြန်ချုပ်ရရင် မြတ်ဘုရား သာသနာတော်ဟာ မေးခွန်းလေး တခွန်းတစ ကနေ အမေးအဖြေဆိုပေမဲ့ အရာရာတိုင်းက အတော်ကို စိတ်ဝင်စားစရာ ကောင်းပြီး ကြည်ညိုလေးစားဖွယ် အတိဖြစ် တာကို မြင်တွေ့ရမှာဖြစ်ပါတယ်။
(နောက်မှ ဖတ်မိသမျှလေးတွေ ရေးရေးတင်ပါ့မယ်)


(မင်္ဂလာရှိသော ညချမ်းလေးဖြစ်ကြပါစေဗျာ)

#ဖိုးစီ