ဗိုလ်ချုပ်ရုပ်ရှင် သူမပါဘဲ ဆက်လက်ဆောင်ရွက်ဖို့ သဘောမတူဘူးလို့ ဖမ်းဆီးခံထားရတဲ့ ဒါရိုက်တာလူမင်းက ပြောကြားကြောင်း ဖမ်းဆီးခံပြီးမှ ပြန်လွတ်လာတဲ့ ဂျပန်သတင်းထောက် ယူကီကီတဇုမိကပြောကြားလာပါတယ်။ သူ့အဆိုအရ အဲဒီ အင်းစိန်ထောင်မှာ သရုပ်ဆောင်ဒါရိုက်တာလူမင်းနဲ့အတူ တိုက်တစ်တိုက်တည်း ၃ ပတ်ကျော် အတူနေထိုင်ခဲ့တယ်လို့ သူက ဘီဘီစီကို ပြောပါတယ်။
စစ်ကောင်စီက ရုပ်ရှင်ထုတ်လုပ်ရေးကို ဆက်လုပ်ဖို့ ကြိုးပမ်းနေတယ်လို့သိရပြီး နောက်ဆုံးအဆင့် လက်စသတ်နေတဲ့အဆင့်လို့ ကြားသိရပြီး ဒါရိုက်တာလူမင်းမပါဘဲ ဆက်လက်ထုတ်လုပ်ဖို့ ကြိုးစားနေတာကို သတင်းမီဒီယာတွေမှာဖော်ပြချက်အရ သိရတယ်လို့ ဂျပန်သတင်းထောက် ကဆက်ပြောပါတယ်။
အဲဒီကိစ္စကို ဒါရိုက်တာလူမင်းက ပြင်းထန်စွာ ကန့်ကွက်ရှုံ့ချနေပြီး ထောင်ထဲမှာ လူမင်းက ရုပ်ရှင်နဲ့ပတ်သက်ပြီး အကျိုးအကြောင်း ရှင်းပြခဲ့တယ်လို့ သူက ပြောပါတယ်။
ဘီဘီစီမြန်မာပိုင်း
https://www.bbc.com/burmese/live/burma-57242648
သတင်းများကို အချိန်နဲ့ တပြေးညီသိရှိနိုင်ဖို့ EDM 017 ရဲ့ Telegram Channel ကို ဝင်လိုက်ပါ
ဝင်ရောက်ရန် > t.me/edm017
