စစ်ကောင်စီမှ ဒေါက်တာဇော်ဝေစိုး စကားပြောဆိုနေသည်ကို ဖြတ်ညှပ်ကပ်လုပ်ထားသည့် ဗီဒီယိုဖိုင်တစ်ခုအား MWD မှ ထုတ်လွှင့်ပြီး ဒေါက်တာဇော်ဝေစိုးမှ Food Poison ဖြစ်စေရန်စီစဉ်သယောင်ပြကာ ပုံရိပ်ထိခိုက်အောင် တိုက်ခိုက်ခဲ့ကြောင်း သိရသည်။
အဆိုပါ ဗီဒီယိုမှာ လုပ်ကြံထားသည့် ဖြတ်ညှပ်ကပ်ဗီဒီယိုအတုတစ်ခုသာဖြစ်ပြီး ဗီဒီယို၏ အကြောင်းမှန်မှာ စစ်ကောင်စီတပ်များတိုက်ခိုက်ခြင်းကို ခံနေရသည့် ချင်းပြည်နယ် မင်းတပ်မြို့မှ စစ်ဘေးရှောင်များအား အစာနှင့်ဆေးထောက်ပံ့နိုင်ရန် ပြုလုပ်သည့် Zoom Meeting တွင် ဒေါက်တာဇော်ဝေစိုးမှ ရိက္ခာပစ္စည်းပို့ဆောင်ရန် ရှင်းပြပြောဆိုသည့် စကားများကို ဖြတ်တောက် ပြုလုပ်ထားခြင်းသာဖြစ်တယ်လို့ ပြန်လည်ဖြေရှင်းထားသည်။
"ဆရာတို့က ဘယ်လုပ်မှာလဲ၊ ဆရာတို့က ဆရာဝန်တွေလေ၊ ဒါမင်းတပ်ကို ဆေးအကူအညီပေးရေး အစည်းအဝေးမှာ ပြောထားတာကို သူတို့က ဖြတ်ပြီးသုံးထားတာ၊ ဆရာကိုပုံဖျက်ပြောနေတာ လေးခုလောက်ရှိပြီ" ဟု ဒေါက်တာဇော်ဝေစိုးမှ Mizzima ၏ မေးမြန်းချက်ကို ဖြေကြားထားသည်။
Source -
https://www.facebook.com/watch/?v=569847660646945
သတင်းများကို အချိန်နဲ့ တပြေးညီသိရှိနိုင်ဖို့ EDM 017 ရဲ့ Telegram Channel ကို ဝင်လိုက်ပါ
ဝင်ရောက်ရန် > t.me/edm017
