တစ်နိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် (NCA) လမ်းစဉ်အတိုင်း ဆက်လက်ရပ်တည်မည်ဆိုသည့် ကရင်အမျိုးသားအစည်းအရုံး(KNU) ဥက္ကဋ္ဌ ဗိုလ်ချုပ်ကြီးစောမူတူးစေးဖိုးနှင့် KNU ၏ ကရင်အမျိုးသားလွတ်မြောက်ရေး တပ်မတော် (KNLA) စစ်ဦးစီးချုပ် ဗိုလ်ချုပ်ကြီးစောဂျော်နီတို့၏ သဘောထားထုတ်ပြန်ချက်များသည် ပုဂ္ဂိုလ်ရေးသဘောထားသာဖြစ်သည်ဟု KNLA တွဲဖက်စစ်ရေးချုပ် ဗိုလ်မှူးချုပ်မန်းရှာထုဝေါင်းက ပြောသည်။
KNU ဥက္ကဋ္ဌနှင့် KNLA စစ်ဦးစီးချုပ်တို့က ၎င်းတို့တစ်ဦးချင်းစီ၏ သဘောထားများထုတ်ပြန်ခြင်းသည် အဖွဲ့အစည်းအပေါ် သက်ရောက်မှုရှိမရှိ မေးမြန်းရာတွင် ဗိုလ်မှူးချုပ်မန်းရှာထုဝေါင်းက “အဲဒါက ပုဂ္ဂိုလ်ရေးသဘောထားကျတော့ ကျွန်တော်တို့ကတော့ အတည်ပြုလို့မရဘူးလေ။ ကျွန်တော်တို့အားလုံးကတော့ ကျွန်တော်တို့ရဲ့သဘောထားနဲ့တော့ တစ်ထပ်တည်းတော့မဖြစ်ဘူးပေါ့။ ပုဂ္ဂိုလ်ရေးသဘောထားကတော့ ဒါကတော့ ရှိကြမှာပေါ့၊ အမျိုးမျိုးပေါ့” ဟု ဖြေကြားသည်။
Myanmar Now
https://www.myanmar-now.org/mm/news/7055
သတင်းများကို အချိန်နဲ့ တပြေးညီသိရှိနိုင်ဖို့ EDM 017 ရဲ့ Telegram Channel ကို ဝင်လိုက်ပါ
ဝင်ရောက်ရန် > t.me/edm017