ဇွန် ၉ရက်နေ့ညက ရန်ကုန်တိုင်း ဒလမြို့နယ်ထဲက အစ္စလာမ်ဘာသာရေးစာသင်ကျောင်းတခု မီးလောင်ကျွမ်းခဲ့ပါတယ်။ ဒီသတင်းတက်လာပြီးချိန် မရှေးမနှောင်းမှာပဲ ဒလက ကမာကသွယ် ဗလီထဲမှာ သိုဝှက်ထားသော လက်လုပ်မှိုင်းများ ပေါက်ကွဲမီးလောင်ဆိုတဲ့သတင်း ပျံ့နှံ့လာပါတယ်။ ဒီသတင်းကို ပြန်လည်မျှဝေသူ 600 ကျော်ရှိနေခဲ့တာ ဖြစ်ပါတယ်။
"မီးလောင်ချိန်ဟာ ည ၁၁ နာရီကျော်ဖြစ်ပြီး ကာဖျူးထုတ်ထားတဲ့အချိန်ဖြစ်တယ်။ အရပ်ဝတ်စစ်သားတွေနဲ့ စစ်ကားတွေ လှည့်ပတ်နေတာသာ ရှိနေတဲ့ကြားကနေ မီးထလောင်တာပါ။ ကျောင်းတော်မှာလည်း လောင်စရာ လောင်စာဆိုလို့ ဘာမှမရှိပါဘူး။ ဒီမီးလောင်မှုဟာ ဘာသာရေးပဋိပက္ခဖြစ်အောင် လုပ်နေတယ်လို့ သုံးသပ်တယ်" လို့ ဖြေဆိုပါတယ်။ တခြားလွတ်လပ်တဲ့ သတင်းမီဒီယာတွေမှာလည်း လက်လုပ်မိုင်းတွေပေါက်ကွဲမီးလောင်တယ်ဆိုတာမျိုး ဖော်ပြထားတာ မရှိပါဘူး။
Source -
https://thinkbeforeyoutrust.com/2021/06/11/dala-mosque-fake/
သတင်းများကို အချိန်နဲ့ တပြေးညီသိရှိနိုင်ဖို့ EDM 017 ရဲ့ Telegram Channel ကို ဝင်လိုက်ပါ
ဝင်ရောက်ရန် > t.me/edm017
