കൊമ്പന്മാരെ തളച്ച് ബംഗാൾ ഐഎസ്എല്ലിൽ തുടർച്ചയായ രണ്ടാം വിജയം ലക്ഷ്യമിട്ട് ഇറങ്ങിയ കേരള ബ്ലാസ്റ്റേഴ്‌സിന് നിരാശ. ഇന്ന് അവസാന സ്ഥാനക്കാരായ ഈസ്റ്റ്‌ ബംഗാൾ കൊമ്പന്മാരെ സമനിലയിൽ തളച്ചു . ഇരു ടീമുകളും ഓരോ ഗോൾ വീതം നേടിയാണ് സമനിലയിൽ പിരിഞ്ഞത് .
മുപ്പത്തിയേഴാം മിനുട്ടിൽ ടൊമിസ്ലവ് മേർസെലൊയിലൂടെ ഈസ്റ്റ്‌ ബംഗാൾ ആണ് മത്സരത്തിൽ ആദ്യം ലീഡ് എടുത്തത്.എന്നാൽ മിനുട്ടുകൾക്കകം ആദ്യ പകുതി അവസാനിക്കുന്നതിന് മുന്നെ ബോക്സിന്റെ പുറത്ത് നിന്നും നേടിയ അൽവാരോ വാസ്ക്വസിന്റെ മനോഹരമായ ഗോളിൽ കേരള ബ്ലാസ്റ്റേഴ്‌സ് സമനില ഗോൾ നേടി.രണ്ടാം പകുതിയിൽ കൊമ്പന്മാർ മികച്ച മുന്നേറ്റങ്ങൾ നടത്തിയെങ്കിലും ഗോൾ ഒന്നും നേടാൻ ആയില്ല .
സമനിലയോടെ ബ്ലാസ്റ്റേഴ്‌സ് പോയിന്റ് പട്ടികയിൽ ഒരു സ്ഥാനം മെച്ചപ്പെടുത്തി ഏഴാം സ്ഥാനത്തേക്ക് കയറി .അഞ്ച് കളികൾ കളിച്ച ബ്ലാസ്റ്റേഴ്‌സിന് ആറ് പോയിന്റാണ് ഉള്ളത്.വിജയം ഒന്നുമില്ലാതെ ഈസ്റ്റ്‌ ബംഗാൾ മൂന്ന് പോയിന്റുമായി അവസാന സ്ഥാനക്കാരായി തുടരുന്നു .
സ്കോർ കാർഡ്
കേരള ബ്ലാസ്റ്റേഴ്‌സ് -
Á.Vázquez -45'
ഈസ്റ്റ്‌ ബംഗാൾ -
T. Mircela 37'
ടെലിഗ്രാം ലിങ്ക് :
https://telegram.me/football_lokam
ഫുട്ബോൾ ലോകം
