Şərqə Baxış

2021-06-01 22:45:28 திற / கருத்து

2021-06-01 21:50:04 Ötən günkü müsabiqəmiz sona çatdı.

Müsabiqədə belə bir sual soruşulmuşdu:

“1956-ci il Süveyş Böhranı zamanı Misirə qarşı hücuma keçən İsrail, Britaniya və Fransa üçlüsü hərbi uğur qazansalar da, Amerika Birləşmiş Ştatları və Sovet İttifaqının təzyiqlərindən sonra geri çəkilməyə məcbur olmuşdur. Süveyş Böhranı ABŞ və SSRİ-nin eyni tərəfi dəstəklədiyi ən nadir geosiyasi hadisələrdən biri idi. Xüsusilə, ABŞ-ın ən yaxın üç müttəfiqinə qarşı cəbhə alması xeyli maraq doğurur.

Sual: ABŞ-ın belə bir mövqe seçməklə vermək istədiyi siyasi mesajı və Süveyş Böhranının dünya geosiyasətində yaratdığı yeni reallığı bir neçə cümlə ilə izah edin.”

İki hissəli sualda iki cavab gözlənilirdi:

1) Həmin dövrlərdə, özəlliklə hər iki dünya müharibəsində müttəfiqlik xüsusi əhəmiyyət kəsb edirdi. ABŞ-ın isə Yaxın Şərqdən gözləntiləri müttəfiqlərinin istəklərindən başqa idi: ABŞ Sovetin bura asanlıqla daxil olmasını istəmirdi, Yaxın Şərqin NATO-sunu qurmağa çalışırdı, buna görə də Misirə ehtiyacı var idi və s. səbəblər. Cavab kimi “Süveyş böhranı zamanı ABŞ-ın mövqeyi göstərdi ki, artıq, əsas olan müttəfiqlər yox, maraqlardır” istənilirdi.

2) Həm Fransa, həm Britaniya İkinci Dünya müharibəsinin qalib dövlətləri olaraq BMT Təhlükəsizlik Şurasının beş daimi üzvlərindən olsalar da, ABŞ və SSRİ öz aralarında həmin beşlikdəki digər qalib ölkələrdən daha bərabər olduqlarını göstərdilər. Yəni, dünya geosiyasətində Corc Ourell demişkən “Bütün heyvanlar bərabərdir, lakin, bəzi heyvanlar daha bərabərdir” vəziyyəti yarandı. Qısacası, ikiqütblü dünya cavabı istənilirdi.

Qeyd: Qaliblə əvvəlcə, şəxsən əlaqə saxlayaraq, qalib kimi elan olunmağı istəyib istəmədiyini soruşacağam. Əgər etiraz etmirsə, buradan elan edəcəm. திற / கருத்து

2021-06-01 21:49:56 திற / கருத்து

2021-06-01 19:33:29 Əfqanıstanda qanlı günlər davam edir...

Münaqişə səbəbilə 2021-ci ilin may ayı ərzində 359 hökumət yaraqlısı (hy), 231 mülki vətəndaş (mv) həyatını itirib. Hökumət mənbələri isə yüzlərlə Taliban militanının öldürüldüyünü açıqlayıb. 301 hy və 89 mv öldürüldüyü aprel ayına nisbətən, may ayında öldürülənlərin sayında artım var. Xüsusilə, öldürülən mülki vətəndaşların sayında dəfələrlə artım nəzərə çarpır. Burada əsas məqam kimi, may ayının əvvəllərində Kabul yaxınlığındakı qızlar məktəbinə edilən və 85 nəfəri qətlə yetirən vəhşi hücum qeyd olunmalıdır.

Ümumilikdə isə aprel və may aylarında cari ilin ilk üç ayına nisbətən şiddətin dərəcəsi xeyli artıb. Bunun səbəbi kimi, xarici qoşunların ölkədən çıxarılması prosesinin başlanmasını və bu səbəbdən Talibanın daha çox ərazi ələ keçirmək üçün aktivləşməsini göstərmək olar. (rəqəmlərlə bağlı "Newyorktimes"-a istinad edilib)

Ərazi məsələsinə gəldikdə isə ötən ilin may ayına olan məlumata əsasən, ölkədəki 400 rayondan 75-i Taliban, 133-ü hökumət qüvvələrinin nəzarətindədir. 189 rayon uğrunda isə qızğın mübarizə gedir. Son məlumatlara görə, cari ilin may ayının əvvəllərində hərəkətə keçən Taliban əlavə 1 rayon ələ keçirib, daha 3 rayonda isə ciddi irəliləyiş əldə edə bilib. திற / கருத்து

2021-06-01 19:33:21 திற / கருத்து

2021-06-01 08:42:14 Müsabiqəmiz bitib. İştirak edənlərə təşəkkür edirəm.

Bir çox sayda yaxın cavablar olsa da, hesab edirəm ki, tam cavab yoxdur. Ona görə də, cavablar arasında ən yaxşı mülahizələrdən biri seçiləcək və kitab mükafatı həmin fikirləri yazan şəxsə göndəriləcək. திற / கருத்து

2021-05-30 20:24:23 Şərqə Baxış pinned a photo திற / கருத்து

2021-05-30 20:21:38 #Müsabiqə

1956-ci il Süveyş Böhranı zamanı Misirə qarşı hücuma keçən İsrail, Britaniya və Fransa üçlüsü hərbi uğur qazansalar da, Amerika Birləşmiş Ştatları və Sovet İttifaqının təzyiqlərindən sonra geri çəkilməyə məcbur olmuşdur. Süveyş Böhranı ABŞ və SSRİ-nin eyni tərəfi dəstəklədiyi ən nadir geosiyasi hadisələrdən biri idi. Xüsusilə, ABŞ-ın ən yaxın üç müttəfiqinə qarşı cəbhə alması xeyli maraq doğurur.

Sual: ABŞ-ın belə bir mövqe seçməklə vermək istədiyi siyasi mesajı və Süveyş Böhranının dünya geosiyasətində yaratdığı yeni reallığı bir neçə cümlə ilə izah edin.

(Cavablar üçün son tarix 31 may 23:59.) திற / கருத்து

2021-05-30 20:00:19 Hər birinizi xoş gördük. Az sonra müsabiqə sualı paylaşılacaq. திற / கருத்து

2021-05-29 20:42:58 #Məlumat

Nil çayının suyu uğrunda kəskin münaqişəli olan, getdikcə müharibə mərhələsinə yaxınlaşan Afrikanın iki nəhəngi - Misir və Efiopiyanın hərbi-statistik müqayisəsi.

Qeyd: Efiopiyanın dənizə çıxışı olmadığı üçün dəniz gücü üzrə müqayisə aparılmayıb.

Mənbə: GlobalFirePower (2021) திற / கருத்து