Get Mystery Box with random crypto!

VOA Afaan Oromoo

டெலிகிராம் சேனலின் சின்னம் voaafaanoromo — VOA Afaan Oromoo V
டெலிகிராம் சேனலின் சின்னம் voaafaanoromo — VOA Afaan Oromoo
சேனல் முகவரி: @voaafaanoromo
வகைகள்: செய்தி
மொழி: தமிழ்
சந்தாதாரர்கள்: 27.06K
சேனலில் இருந்து விளக்கம்

ODUULE
VOA AFAAN OROMOO
[Irraa kan odeffannedha malee kan studeo irraa darbuu miti ] hubadhu.
🅿 Yaada @admiinii_bot

Ratings & Reviews

3.50

2 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

0

2 stars

1

1 stars

0


சமீபத்திய செய்திகள் 2

2022-11-10 07:08:15 Buqqaatonni Kuma Hedduun Magaalaa Shaambuu Qubatanii Jiran Gargaarsa Gahaa Hin Arganne, Jechuun Komatan  
https://www.voaafaanoromoo.com/a/6827394.html

Naannoo Oromiyaa godina horroo Guduruu wallaggaa aanaalee adda addaa irraa sababa rakkoo nageenyaan buqqa'anii magaalaa Shaambuu keessa ka jiru Yuunivarsiitii wallaggaa damee shaambuu fi buufata konkolaataa magaalaa shaambuu keessa lammiileen yeroof qubatanii jiran deeggarsi namoomaa taasisamaafii jiru “gahaa miti” jechuun iyyataa jiru.  




Itti gaafatamaan waajjira buusaa gonofaa godina horroo guduruu wallaggaa ammoo gama isaaniin buqqaatota kanaaf deggersi kallattii adda addaatin godhamaafii jira, jedhu. Wajirri Buusaan gonofaa Oromiyaallee dhimma kana irratti deebii kennee jiraa. Tsahaay Daamxoo tu gabaase.   
1.7K views04:08
திற / கருத்து
2022-11-10 07:08:15 Haleellaan Diroonii yokaan Xayyaara Nama-maleessaa Magaalaa Biilaa keessatti Namoota Hedduu Fixuun Gabaasame 
https://www.voaafaanoromoo.com/a/haleellaan-xayyaara-nama-maleessaa-biilaa-keessatti-namoota-fixuun-himame/6827171.html

Naano Oromiyaa godina Wallaga lixaa magalaa Biilaa keessatti haleellaa Xiyyaarri nam-malee ykn Dirooniin mootummaa itiyoophiyaa raawwateen namoon heduun ajjeefamuu isaanii dhaabanii oduu Asooshiyeetid Prees /Apn  gabaasee jiraa. 


Namoottan ijaan argan waabeeffachuudhaa APn akka gabaasetti haleelaa Sadaasa lama raawwatamee kanaan namoonii du’an reenfii isaanii bakka adda addatti argaamuu isaa ibsee , ragabaatonni ijaa  kan nageenyaa isaaniitiif jecha eenyummaa isaanii himuu hin barbaannee , haleellichii kan raawwate guyyaa gabaa fi yemuu barattoonni mana baruumsaa keessaa bahaa jiranitti akka ta’e ibsuu isaa eereera. 


Lubinni magaalaa Biilaa namoonni balaa Diroonii Kanaan du’an 11 waldaa amantaa isaani keessaatti awwalamuu isaanii akka mirkaneessan kan ibse gabaasin Ap, namoonii dhibbaan lakkawaman madaa’anii akka mana yaalaa keessaa jiran beeksiseera. 


Karaa biraatiin Dilbataa deengaddaa Maqalaa Naqamtee keessatti hidhatoonni Waraanaa Bilisumaa Oromoo kan mootummaa “Shanee” jedhee waamu haleelaa raawwataniin hidhamtootaa Siyaasaa 120 gad lakkisisaanii qabeenyaa waraanaa mootummaa barbadeessuu isaanii ibsaa dubbi himaan dhaabichaa fuulaa tiwuutarii isaanii irratti baasaan waabeffachuudhaan APn gabaaseera. 


Lolli Oromiyaa keessatti taasifamaa jiruu isaa Tigiraay keessatti taasifamaa jiru irraa adda ta’uu isaa kan ibsee gabaasiin kun ABUT fi WBO Kanaan duraa hariiroo waloo ifaa gochuu isaanii ibsee, mootummaan Itiyoophiyaa ABUT wajjin marii araaraa ittu fufuu isaa yaadachiisee jira. 


Midhaa  xiyaaraa waraanaa mootummaatiin nammottan nagaa irratti qaqqabee kana  ilaalchisee deebii mootummaaa argachuudhaaf yaalin karaa waajjiraa dubbii himmaa mootummaa Dr. Legesee Tulluutiin taasisee akka hin milkoofne APn beeksiseera.  
1.6K views04:08
திற / கருத்து
2022-11-05 06:52:01 Wallagga Lixaatti Humnoota Mootummaf Riphxee-loltoota Gidduutti Wal-waraansi Akka Geggeessamaa Jiru Jiraattonniif Qaamonni Mootummaa Ibsan 
https://www.voaafaanoromoo.com/a/6820806.html

Naannoo Oromiyaa Godina Wallaggaa Lixaa aanaalee fi magaalota tokko tokko riphxe loltootni tibbana to’annaa jala oolchuu, jiraattota keessaa hagi tokko Sagalee Ameerikaatti himanii jiru. 


Aanaa Mansibuutti magaalaan Mandii, aanaa Qilxu-kaarraafi aanaan Lataa Sibuu gurmuu riphxe loltootaa Waraana Bilisummaa Oromoo mootummaan Shanee jedhee waamuun to’atamuu, kanaan wal-qabatee  tajaajilli geejjibaa magaalaa Naqamtee irraa gara naannolee biroo Oromiyaa Lixaa fi Naannoo Benishaangul Gumuz geessu addaan cituullee himan – jiraattonni kun. Kan dhimma kana irratti gaafataman – dubbi-himaan Waraana Bilisummaa Oromoo, Obbo Odaa Tarbii naannoolee bakkawwan to’achuu isaanii eeran.   

Gama biraatiin Godina Beenishaangul Gumuz aanaa Baambasii, Aanaa Wallagga Lixaa Mana sibuu waliin wal daangessu keessatti, lola humnoota mootummaa fi riphxe loltoota gidduutti uumame hordofuun, galgala sa’aatii 2:00 hanga barii sa’aatii 12:00tti daangaan yeroo sochii kaa’amuu Bulchaan Aanaa Baambasii Sagalee Ameerikaatti himanii jiru.



Dhimma kanaan  walqabatee guyyoota afran darbaniif angawotoa godinaa Godina Wallagaa Lixaa, kan naannoo Beenishaangul Gumuz fi naannoo Oromiyaa, akkasumas Ministeera Barnootaa Federaalaa dabalatee qaamolee federaalaa biroo irraa ibsi bal’aa argachuuf carraaqqiin goone hin milkoofne. Naakoor Ambo irraa gabaasaa dabalatee qaba. 
 
3.9K views03:52
திற / கருத்து
2022-11-05 06:52:01 Waliigalteen Tolfame Akkaan Barbaachisaa Dha:Garee Mirga Namoomaa
https://www.voaafaanoromoo.com/a/6820726.html

Angawoonni Iyiyoophiyaa fi kan Tigraay gidduu kana walii galtee irra ga’uun isaanii, gocha hammeenyaa dabalataa fi balaa gargaarsa namoomaan dhabu irraa dhufu hambisuuf, hordoffii addunyaa kan hatattamaa fi cimaa ta’eef carraa murteessaa ta’eera jechuun  Dhaabbanni mirga namoomaa Hiyumaan Raaytis Waach Jimaata har’a beeksisee jira.


Tigraay keessatti wal waraansii eega jalqabamee Sadaasa 4 jechuun har’a waggaa lama kan guutee yoo ta’u, kunis humnootii Tigraayii fi Mootummaa federaalaa isa michoota naannoo fi biyya ollaa Ertiraa dabalatee giddutti ture.


Qorannoon addunyaa, qaamoleen waraanaa kanneen miidhaa bal’aa raawwatan, miidhaa ummata nagaa irratti raawwatamuu akka hin dheeranne mirkaneessuuf furtuu ta’a jedhu Hiyumaan Raaytis keessatti Daayreekteera Afrikaa kan ta’an Kariin Nantulyaa.


Dhaabbatichi, ajjeechaa seeraan ala raawwatamee, humnaan gudeeddii fi hokkara saalaa, dhukaasa seeraan alaa fi haleellaa xiyyaaraa, akkasumas saamicha dabalatee cabiinsa seera waraanaa fi dhiittaa mirga namoomaa hamaa qaamolee waldhabdee kana keessatti hirmaatan hundaan raawwatame galmeessee jira jedheera.


Deggertoonni ijoo waliigaltichaa namoota nagaa ykn siviloota eeguuf dursa akka kennan, hojiin haala jiru hordofuu cimaa akka hojii irra oluuf, dhiibbaa gochuun mootummaan Itoophiyaa fi aangawoonni Tigraay waadaa mirgaa galan guutummaatti akka raawwatan gochuu qabu jedha.Hiyumaan Raaytis Waach.
2.9K views03:52
திற / கருத்து
2022-11-05 06:52:01 Walitti Bu’iinsa Itiyoophiyaa Keessaa Hundee Furuuf Marii Hunda Hirmaachiseetu Barbaachiisa: OLLAA
https://www.voaafaanoromoo.com/a/6820712.html

Walii galteen mootummaa Itiyoophiyaa fi ABUT giddutti tolfame tarkaanfii gaarii ta’u OLLAAn ibsa baaseen hubachisee jira.


Garu OLLAAn yeroo dheeraaf adeemsi marii hunda hammate, kan bakka bu’oota sabaa fi sablammoota gurguddoo fi gareelee siyaasaa hunda hammatee fi haala giddu-galeessa ta’een hoogganamu, hundee walitti bu’iinsa guutuu Itoophiyaa keessatti mul’atu furuu fi nagaa waaraa bu’uura kaa’uuf barbaachisaa akka ta’u ibsaa turre jedhee jira.


Imaammanni haqaa ce’umsaa guutummaa Itoophiyaa keessatti yoo sirnaan hojiirra oole, adeemsa marii hunda hammate, miidhamtoota sarbama mirga namoomaa haqaa akka argatan gochuun, akkasumas nagaa waaraa fi tasgabbii naannoo bu’uura kaa’uuf gargaaruu danda’a jedha OLLAAN.
2.5K views03:52
திற / கருத்து
2022-11-05 06:52:01 Waliigalteen Tofame Hundaaf Deebii Kan Hin Qabnee fi Yaaddoof Karaa Bana: Taajjabdoota
https://www.voaafaanoromoo.com/a/6820785.html

Waan haaraa mootummaa Itiyoophiyaa fi finciltoonni Tigraay mallatteessan kun wal waraansa waggaa lamaa xumuruuf tarkaanfii murteessaa fudhatame ta’uun isaa kan jajamu dha kan jedhan taajjabdonni, garu wanti baay'een ifa waan hin taaneef nagaa waaraa fiduu fi dhiisuu isaa irratti gaaffii kaasaa jiru.


Walii galteen kun, Qawwee callisuun alatti, naannolee waraanaan miidhamaniif gargaarsi namoomaa akka kennamu, achis, Tigraaykeessatti aangoo federaalaa hundeessuun Adda Bilisummaa Uummata Tigraay (ABUT) hidhannoo hiikkachuu akka qaban addatti gaafata.


Garuu waliigaltee nagaa waaraa karaa diinummaa dhaabbataa dhaabuun, kan mootummaan toora interneetii irratti maxxanfame, waldhabdee furmaata hin arganne furuuf amanamummaa gaarii gareewwanii irratti baay'inaan kan hirkate yoo ta'u, dhimmoota murteessoo hedduu cinatti dhiisee kanneen biroo irratti ifa hin taane ta'ee hafa, xiinxaltoonni jedhe


Qorataa hariiroo siyaasa addunyaa fi pirezidaantii tarsimoo Afrikaa kan ta’an Paatriik Feeraas jedhanitti, walii galtee kana galma ga'uun rakkisaa dha. Wanti hundi kan hojjatamee fakkaatuus,   garuu ariitiin raawwatame jennee yaaduu qabna,'' jechuun dhaabata oduu Ajaans Fraans Prees (AFP) tti himaniiru.


Mariin Piritooriyaa keessatti gaggeeffame kun galmeen dhumaa baasee waa’ee Eertiraa-kan humnoonni ishee duula Tigraay keessatti loltoota Itoophiyaa deeggaran- ykn milishoota naannoo adda addaa waraana kana keessatti hirmaatan hin eerre. Waliigaltee kana ennaa qopheessan waa’ee qooda fudhattoota ijoo ta’an kanaa ilaaluu dhabuun haala balaa qabu uumeera jedhu taajjabdoonni.
3.4K views03:52
திற / கருத்து
2022-10-26 21:58:25 Naannoo Oromiyaa Godinaalee Sadii Keessatti Halellaalee Xayyaaraan Namoonni Nagaan Dhibbaa Tokkoo Ol Ajjeefaman, Jedhame   
https://www.voaafaanoromoo.com/a/6806545.html

Naannoo Oromiyaa, godinaalee Wallagga Bahaa, Shawaa Babaa fi Shawaa Lixaa keessatti haleellaalee tibbana raaw’ataman, jedhamaniin “namoonni nagaan dhibba tokkoo ol ajjeesaman” jechuun Koongiresiin Federaalawa Oromoo yokaan KFOn, iyyannaa dhiheessee jira. Addi Bilisummaa Oromoo, ABOnis, “bakkawwan adda addaatti namoota nagaa yokaan siiviloota irratti haleellaan raaw’atamaa jira,” jechuun himatee jira.


Jiraattota bakkawwan haleellaan itti geggeessame, jedhame sanaa tahuu namoonni dubbatanis haleellaaleen sun geggeessamuu Sagalee Ameerikaaf ibsanii jiran. Aangawoonni mootummaa Sagalee Ameerikaatti dubbatan ammoo, “kan haleellaan mootummaa itti xiyyeeffate hidhattoota Shanee malee uummata nagaa miti,” jedhan.


Tajaajilli Koominikeeshinii Mootummaa Federaalaa fi Koomishinni Mirga Namoomaa Itiyoophiyaa haleellaa raaw’atame jedhame ilaalchisee odeeffannoo akka hin qabne dubbatan. ​


Namoonni nagaan yokaan siiviloonni ajjeesamuu isaanii ragaa akka qabu kan dubbate, dhaabbatni as Yunaayitid Isteetis keessa jiruu fi “Waldaa Hooggansaa fi Deggersa Hambaa Oromoo” yokaan OLLAA jedhamu, haleellaalee raaw’ataman jedhaman ilaalchisee qorannaan idil-addunyaa akka geggeessamu gaafatee jira.


 
6.9K views18:58
திற / கருத்து
2022-10-05 20:03:05 Haleellaa Diroonii Dhaan kaleessa Adii Da’iroo Irratti Geggeessameen 65 Du’anii 70 Ol Madaa’an Jedha Ibsi Humnoota Tigraay
https://www.voaafaanoromoo.com/a/6777037.html

Haleellaa diroonii mootummoonni Ertiraa fi Itiyoophiyaa, kaleessa Adii Da’irootti geggeessaniin, namoonni 65 du’anii, kanneen 70 ol tahan immoo madaa’an, jechuun waajirri dhimma alaa humnoota Tigiraay ibsa har’a baaseen himee jira.


Haleellaa Diroonii Addi Da’iroo irratti geggeessame – jechuun himate kanaaf mootummaa Itiyoophiyaa fi mootummaa Ertiraa irraa deebii argachuuf, carraaqqiin Sagaleen Ameerikaa taasise, haga ammaatti hin milkoofne. Lakkoobsa, humna Tigiraay irraa himame kanas, haga ammaatti qaama biraa hin mirkaneeffanne.    


 
1.7K views17:03
திற / கருத்து
2022-10-05 20:03:05 Lammiilee Indooneejiyaa Balaa Dirree Kubbaa Miillaa Keessatti Uumameen Du'an 131 Ta’uun Ibsame
https://www.voaafaanoromoo.com/a/6777013.html

Sanbata dheengaddaa biyya Indooneejiyaa keessatii balaa dawwatootaa kubbaa miilaa irra ga'een nammooni du’an 131 ta’uu isaanii fi caalaan isaanii ijooleewwan akka ta’an waldaan kubbaa miilaa biyyatii beekisisee jira.


Itti gaafatamaan dhimmaa naamuusaa waldichaa Iriwiin Toobiig akka oduu gabaastotatti himaniitti balbali dirree kubbaa miilaa ykn stadiyoomii ittu taphichi hin raawatin daqiiqaa 10 dursee ituu banamuu qabuu hin banamin hafeera jedhaniiru.


Poliisiin biyyattii gama isaatiin raga suur-sagalee dhiheesuu dhaan ifa taasiseen balballi hunduu banaa akka turan agarsiisee garuu dhiphoo  turan jedheeraa.


Dhimmuma kanaan walqabatee ajjajaan poolisii kutaa Malaangaa hojii iraa ari'atamanii qondaaltoni Poolisii Sagal immoo yeroo dhaaf hoojii akka dhaaban taasifamanii jiru.  Miseensonni poolisii 18 immoo qorannoon irratii taasifamaa akka jiru ibsameera.


Roobii har’aa kutaa balaan sun itti qaqqabe kan daawwatan prezidaantiin Indoonejiyaa Jooko Widodo taphi kubbaa miillaa biyaattii hunduu yeroo dhaaf akka uguramee turu ibsanii dhimmichaa irratii Prezidaantii Feederashiinii kubbaa miillaa adduunyaa FIFA Jiyaanii Infaantiinoo wajjin maryatanii walii galuu isaanii akka ibsan gabaasamee jira.
1.3K views17:03
திற / கருத்து
2022-10-05 20:03:05 Prezidaantiin Ugaandaa Ilmaa isaanii Aaangoo Irraa Kaasan
https://www.voaafaanoromoo.com/a/6776909.html

Prezidaantiin Ugaandaa Yuweerii Museveenii ajajaa waraana lafoo biyyaa isaanii kan ta’an ilmaa isaanii guyyaa kaleesaa taayitaa irraa buusanii jiru. Torbanuma kana keessaa garaa jeeneraala guutuutii guddachuun isaanii kan labsame Ilmi prezidaantichaa Letenaa Jeeneraal Muhoozii Ka’inerugabaa wantii isaan dhiheenyaa kana fuulaa tiwuutarii ofii irratii barreessan lammiilee Ugaandaa biratti aarii umuun isaa gabaasameera.


Ka’inerugabaan dhiheenyaa kana waraani biyya isaanii magaalaa guddittii biyyaa keeniyaa Naayiroobii weeraree qabachuu dhaaf torban tokko itti hinfudhatu jedhanii wantii isaan barreessan mootummaa keeniyaa fi biyyoottan baha Afrikaa kan yaaddeesee dha.


Jechii jeeneraalichaa lammiilee keeniyaa hedduu kan aarsee yoo ta’a,  ministeerii dhimmaa alaa keeniyaa Ambaasaadara Ugaandaa wajjin dhimicha irratii dubbachuu isaanii ibsee jira. Ministeerii dhimma alaa Ugaandaa gamaa isaatiin wanti jeeneraalichi barreessan waliti dhufeenya biyoottan lammanii kan miidhuu dha jechuu dhaan balaaleffatuun isaa gabaasameeraa.


Jeeneraalichii ergaa tiwuutarii dhiheenyaa kana dabarsaniin garee Muutummaa Itiyoophiyaa wajjin lola irraa jiru ABUT fi garee hidhattootaa mootuummaa Koongoo irratti lola banee jiru akka deggeran ibsuun isaanii ni yaadatama.


Waggootan 35 darbaniif Prezidaantii Ugaandaa kan ta’an fi wagga 78 kan guutan Yuweerii Museveenii fudhachuu baatanus lammiileen ugaandaa hedduun jeeneraalichi abba isaanii bakka bu’uud haan biyyatii bulchuu dhaaf akka qophaawaa jiranutii akka fudhatan gabaasamee jira.


 
1.1K views17:03
திற / கருத்து
2022-10-05 20:03:05 Hojjatooni Gargaarsa Namoomaa Tigraayiin Seenuu Jalqabnii Jiru
https://www.voaafaanoromoo.com/a/6776873.html

Dubbii himaan Tokkummaa mootummootaa Steeffan Duhaariik ibsaa guyyaa kaleesaa kennaniin Hagayya 24 bara 2022 jalqabee kan dhaabatee ture wal-jijjiirraan hojjatootaa gargaarsa namoomaa Tigraay keessatti hojjatanii karaa naannoo Affaariin itti fufuu isaa ibsanii jiru.


Haali amma uumame kun tarkaanfii gaarii akka ta’e kan himan Steefan Duhaariik gargaarsa lubbuu baaraarsaa qaqqabsiisuu dhaaf balaaliin Xiyyaara gargaarsaa namoomaa kan tokkummaa mootummootaa inni ergaa hagayaa 25 jalqabee dhaabbatee jiru akka jalqabu gaafataniiru.


Sababa wa-lwaraansi itti fufee jiruuf Tigraay keessati, akkasumas naannoo Amaaraa fi Affaar bakkeewwan bal’aa keessatti gargaarsa namoomaa akka raabsuun hin danda’ame hojjattooni gargaarsa namoomaa Tigiraay keessa jiran ibsuu isaanii Dubbi himichi beeksisanii jiru.


Amma Fulbaana 26-tti Tigiraay keessatti buufataaleen wal’aansa fayyaa bakka tokko irraa bakkaa biraatti socho’an 32 bakkeewwan buufatalee fayyaa fi buufataalee namoottan jiraanya isaanii irraa buqa’an 58 keessatti tajaajila kennaa akka jiran dubbi himichi ibsuu isaanii Maargareet Beesheer Jenevaa irraa VOA dhaaf gabaasteetti.


 


 
1.1K views17:03
திற / கருத்து
2022-10-05 20:03:05 Mariin Wal-waraansa Kaabaa Itiyoophiyaa karaa Nagaatiin Furu Afrikaa kibbaatti Taasifamuuf Deema
https://www.voaafaanoromoo.com/a/6776863.html

Wal waraansaa waggoottan lamman darbaniif mootummaa Itiyophiyaa fi ABUT gidduuttii taasifamaa jiru marii karaa nagaatiin hiikuudhaaf gamtaan Afrikaa gareewwan lamman Afrikaa kibbaa keessatti akka wal arganii maryyatan waamicha dhiheesuun isaa beekameera.


Dura taa’aan Komiishinii gamtaa Afriikaa Musaa Faakii Mahaammat xalayaa Onkoloolessa 1 bara 2022 barreessaniin akka ibsanitti, mariachi kan qophaa’e prezidaantii Naayijeeriyaa duraanii fi gaanfa Afriikaatti bakka bu’aa addaa kan ta’an Oluuseeguun Obaasaanjootiini.  Prezidaantiin keeniyaa duraanii Uhuuruu Keeniyaataa fi tti aantuu prezidaantii Afriikaa kibbaa kan turan Fumziil Milaambo-Ngichukaa akka gargaartota Obaasaanjoo ta’an kan ibse xalayaan Muusaa Faakii Mohaammat, Wal ga’ichi bu’uuraawwan nageenyaa waarinsa qabeessa ta’e mirkaneessuu dhaaf gargaraan karaa qabsiisuu dhaaf akka ta’e beeksisee jira.


Mootummaan Itiyoophiyaa waamicha dhihaate kana fudhachuu isaa gorsaan dhimma nageenyaa Muummee ministiraa Itiyoophiyaa Abiy Ahimad kan ta’an Ambaasader Reeduwaan Huseen beekisisanii jiru. Ambaasaadeerichi waamichicha kana ilaalchisee roobii har’aa ergaa karaa fuulaa tiwuutariitin dabarsaniin booda, rakkinichaaf fala karaa nagaa barbaachuuf Mootummaan haal-duree kamiinuu malee akka mariidhaaf qophaawaa ta’e beeksisanii jiru.


Xalayaan gamtaa Afrikaa hogganaa ABUT kan ta’a Debretsiyoon Geberemikaa’el fudhaachuu isaanii amma ammaatii dhaabni isaanii akka hin mirkaneesine gabaasameera. Freed Haarter maddeen dipilomaasii Finfinnee keessa  jiran waabeffachuu dhaan akka gabaasetti, marii kana irratii taajjabdoonii Yunaayitid Isteets, gamtaa Awuroopaa fi Igaadiin bakka bu’an ni hirmaatu.
1.5K views17:03
திற / கருத்து
2022-10-03 22:20:28 Qormaannii Kutaa Kudha Lamaa Yunivarsitiwwan Keessatti Kennan: Ministeera Barnooraa 
https://www.voaafaanoromoo.com/a/6773952.html

Qormaannii guutuu biyyaa kan kutaa 12ffaa Fulbaana 30 bara 2015 yeroo jalqabaaf yunivarsitiwwan keessatti kan kennamuu ta’u ministeerrii barnootaa beeksisee jira. 

Manneen barnootaan ala Yunivarsitii keessatti akka kennamuuf kan barbaadamees, nageenya sirna qormaataa eegsisuuf akka ta’e kan ibsamee yoo ta’u, kana gochuufis Yunivarsitiwwan baasii qarshii Biliyoona tokko akka isa dabalsisuu hubachiise. 

Brana qormaata kanaaf kan ta’an barattoota kuma 900 fi kuma 76 ta’u Tigraayiin alatti tasgabii dhabiinsa biyyatti keessa jiruun barattonni kumnii 56 qormaataaf akka hin teeny ibsamuu isaa Gabra Mikaa’eel Ganra Medhiin Finfinnee irraa Gabaasee Jira. 
973 views19:20
திற / கருத்து
2022-10-03 22:20:28 Looltoota Keenya Godiina Walloo Kaabaa Keessaa Baafnee Jirra: ABUT 
https://www.voaafaanoromoo.com/a/6773924.html

Haleellaa guddaa gama Itiyoophiyaa gama kaabaa keessatti adeemsifamuu qolachuuf jecha, loltoota keenya kanneen bulchiinsa naannoo Amaaraa gama kibbaa keessaa turan baafnee jirra jechuun angawoonni Tigraay ibsa baasaniin beeksisanii jiran.Hojiin gamasii baasuu kunis guyyaa sadiif gaggeeffamu ibsaniiru. 


Tarkaanfii kana kan fudhannees, ofii keenya murteessinee malee  haala dirree waraanaa  sana irratti hundaa’ee miti kan jedhu ibsi kun, humnii yeroo baayyeef barbadeeffamee kun ammas  deebi’ee naannoo sanatti yaalii kan biraa ni taasiisa yoo ta’e  nagaan jiraachuu keenya tikfachuuf jecha yoom iyyu kallattiin kamiin iyyu kan deebinee seenuu dandeenyu ta’a jedhan ibsii ba’e. 


Angawaan bulchiinsa naannoo Amaaraa dhaabata oduu Ajaans Fraans Preesiif akka ibsanti, akka jecha isaanti, riphxee looltonni ABUT magaalaalee hanga tokko keessaa kan ba’an yoo ta’u, wal waraansii hangi tokko naannootti akka jiru ibsan. 


Dirree waraanaa irra waan jiruu fi sochii looltootaa kan ilaaleen dhaabatii oduu kun madden walaba biraa mirkanii hin arganne. 


Itiyoohiyaa gama kaabaa seenuun akkaan ugguramaa ta’u fi Tigraay waggaa tokko caalaaf qunnamtiin irraa cite turuu isaas ibsee jira. 


Ertraan dhimmi kana keessa seenuun ishee biyyoota gama dhiyaa biraa balaaleeffannaa kan hordoofsisee yoo ta’u, walitti bu’iinsii kun karaa nagaan akka furamuufis gaafataa jiru jedha dhaabtii oduu Ajaans Fraans Preess. 
973 views19:20
திற / கருத்து
2022-06-15 08:40:35 Gimbii, Dambi Doolloo fi Gaambeellaa Keessatti Riphee-loltoonnii fi Humnoonni Mootummaa Walitti Dhukaasuun  Himame  
https://www.voaafaanoromoo.com/a/6617493.html

Naannoo Oromiyaa, Godina Wallagga Lixaa Magaalaa Gimbii fi, Godina Qellam Wallaggaa Magaalaa Dambi Doolloo keessatti, humnoota mootummaafi hidhattoota mootummaan "Shanee" jechuun waamu, Waraana Bilisummaa Oromoo jidduutti har'a dhukaasni banamuu jiraattota keessaa dubbatanii jiran.




Haaluma wal-fakkaatuun naannoo Gaambellaa keessattis Humnoota Mootummaa fi Hidhattoota Waraana Bilisummaa Gaambellaa ofiin jedhan jidduutti dhukaasni banamuu jiraattota keessaa himanii jiru.


Dhimma kana ilaalchisee, dubbi-himaan Idil Addunyaa Waraana Bilisummaa Oromoo, Obbo Odaa Tarbii, Waraana Bilisummaa Gaambellaa waliin tahuun Oromiyaa Lixaafi Gaambellaa keessatti opereeshinii addaa addaa geggeessee jira, jedhuuun VOAtti himan.

Mootummaan Naannoo Gaambellaa ammoo fuula sabaa-himaa hawaasummaa isaa irratti ibsa maxxxanseen, "Hidhattoota Shanee fi Waraana Bilisummaa Gaambellaa dhukaasa banan irratti tarkaanfiin fudhatamee jra" jedhee jira.
4.2K views05:40
திற / கருத்து
2022-06-15 08:40:34 Gimbii, Dambi Doolloo fi Gaambeellaa Keessatti Riphee-loltoonnii fi Humnoonni Mootummaa Walitti Dhukaasuun  Himame
https://av.voanews.com/clips/VAO/2022/06/14/5ffd750f-2519-4c49-9507-220ec70f89a7_original.mp3
3.2K views05:40
திற / கருத்து
2022-06-15 08:40:34 Baachleet Angoo Gadhiisuuf Akka Jiran Beeksiisan
https://www.voaafaanoromoo.com/a/baachleet-angoo-gadhiisuuf-akka-jiran-beeksiisan/6617235.html

Tokkummaa Mootummootaa keessatti komiishiinara olaanaa kan komiishiina mirga namoomaa kan ta’an Misheel Baachaleet, dhuma baatii Hagayya dhufuu marsaaan barri aangoo isaanii ennaa xumuramuu, aangoo komishinarummaa kan gadhiisan ta’u beeksiisan. 


Marsaa kan biraaf hojjachu hin barbaadu kan jedhan Baachaleet, odeeffannoo kanas sirna baniinsa kora 50ffaa kaawunsilii mirga namoomaa kan tokkummaa mootummootaa irratti  dubbatan. Maaliif kun akka ta’e garu gad fageenyaan hin ibsiine. 


Walgahii sana booda tuuta oduuf Jeneevaa keessatti ibsa kennaniin sababaa dhunfaa isaaniif hojii akka gadhiisan ibsan.Murtoon koo kun dhiyeenya kana chaayinaa dhaquu koo hordofee qeeqa dhiyaatu waliin hidhata hin qabu jedhan. 


Gara Chaayinaatti imaluu isaanii baatii lama dursee marsaa lammataaf hojjachu akka hin feene barreessaa duree Tokkummaa Mootummootaa Antoniyoo Gutarreesitti himeera jedhan. 


Ituun hojjachuu itti fufee Gutarrees kan jaallatu ta’u natti himeera.Garu sababaa dhunfaa kotiif gadhisuu akkan fedhu itti himeera.Anii dubartii umriin alfii keessa jiru miti.yeroo dheeraaf akkasumas hojii bu’a qabeessa hojjataa eegan ture booda, gara biyya kootii fi maatii kootitti deebi’uun barbaada. 


Waggoota dheeraaf  akka ministeeraatti, akka prezidaantitti, akka komiishiinara olaantuutti eegan hojjadhee booda, akkan yaadutti gara biyya kotti deebi’uuf yeroo isaa natti fakkaata jedhan. 
3.0K views05:40
திற / கருத்து
2022-06-15 08:40:34 Amerikaan Somaaliyaaf Deggersa Akka Laattu Beeksiiftee Jirti
https://www.voaafaanoromoo.com/a/amerikaan-somaaliyaaf-deggersa-akka-laattu-beeksiifte-/6617228.html

Yunaaytid Isteetes  nageenya, araaraa fi jijjiirama somaaliyaa keessaa kan ilaaleen deggersa kan gootu ta’u ibsitee jirti. Kanas ministeera haajaa alaa Yunaaytiis Isteets keessatti itti aantuu itti gafatamtuu dhimmootii siyaasaa kan ta’an Viktoriyaa Nuulaand Wiixtata Waxabajjii 13 gara Moqdishootti imalanii yeroo turanti prezidaant Hassan sheek maahmuud waliin wal arguun kana dubbatan. 


Kana malees Amerikaan shoroorkeessummaa dhabamsisuuf Somaaliyaanis ta’e hoggantummaa gamtaa Afrikaan yaalii gaggeeffamu kan deggertu ta’u ibsanii jiran. 


Somaaliyaan caama badii hamaa geesisee fi wabii nyaataa ishee dhabsisee keessa yeroo jirtu kanatti Nuulaand somaaliyaatti jila addaa kan waa’ee caama mudatee deebii kennamu hordofan Abdirahman Warsamee fi dhaabattoota Tokkummaa Mootummootaa kanneen somaaliyaa keessaa jaarmayaa nyaataa fi qonnaa, dhaabbata daa’immanii ykn Yuniseef fi sagantaa nyaata addunyaa dabalatee dubbatanii jiru. 


Mootummaan Amerikaa  yeroo ammaa nyaata hatattamaan barbaadamu kennuuf, beela ittisuu fi gargaarsa namoomaa kanneen biroo Somaaliyaaf kennuuf akka jiru ibsan.Kunis gargaarsa namoomaa biyyoota gaanfa Afrikaaf kennamuuf kan karoorfame Doolaara miliyoona 100 fi miliyoona 5 keessaa ta’uun ibsamee jira. 
2.6K views05:40
திற / கருத்து
2022-06-15 08:40:34 Itiyoophiyaan Adda Bilisummaa Uummata Tigraay Waliin Dubbachuu Haala Ishee Dandeessisan Qorataa Akka Jirtu Dubbatte  
https://www.voaafaanoromoo.com/a/itiyoophiyaan-adda-bilisummaa-uummata-tigraay-waliin-dubbachuu-irratti/6617354.html

Mummichi ministeera Itiyoophiyaa Abiyyi Ahmad har’a miseensoota paarlaamaa biraa gaaffii dhiyaateef deebii kennanii jiru.  Walitti-bu’iinsa Itiyoophiyaa gama kaabaa kan ilaaleen haga ammaatti mootummaa Fedeeraalaa fi Adda Bilisummaa Uummata Tigraay (ABUT)giddutti mariin gaggeeffame hin jiru jedhan.  


Garu koreen itti aanaa isaanii Obbo Dammaqaa Makonniniin dura ta’aa itti ta’an marii gaggeffamuu maluuf haal duree barbaachiisan murteessuuf hojjataa jira jedhan.Koreen kun Guyyoota 10 hanga 15 giddutti koree hojii koree rawwachiiftuu paartii badhaadhinaaf gabaasa akka dhiyeessuuF jiru  mummichi ministeeraa Abiyyi Ahmad ibsanii jiru.  


Koree hojii raawwachiiftuu paartii Badhaadhinaan Koreen kun hundeeffamuu ifatti ennaa ibsu kun kan jalqabaa  yoo ta’u yoom akka hojii jalqabees hin ibsamne.  


Koreen kunis gabaasa guutuu qabatee ennaa dhiyaatu uummataaf ifatti kan labsamuu akka ta’e Mummichi ministeeraa ibsanii jiru.Gara mareetti kan seenamuu taanaanis Itiyoophiyaa bakka bu’uun kan dubbachuuf jiru koree’uuma kana ta’u ibsan. Odeeffannoon dhokfamuu waan hin jirreef yeroon ga’e mariin ennaa jalqabamuu ifatti ni labsiina jedhanii jiran.  


Dhimma kana ilaalhisee Xalayaa banaa  waajiira prezidaantii bulchiinsa bulchiinsa naannoo Tigraay biraa ba’e akka jedhutti, ejjennaan mootummaa Tigraay waan jijjiramee hin qabu.Deemsa nageenyaa qabatamaa loogii hin qanee fi qajeelafama qabu akkasumas kanneen walitti bu’iinsa Itiyoophiyaa keessatti ta’eetti hirmaatan giddutti ta’uuti ni hirmaanna jedha.Kanaafis jila sadarkaa olaanaa kan aangoo guutuu qabuu fi ibsii kennameef erguun qohii ta’una jedh keenyaa beeksisaa kunis walgahii mootummaan keniyaa walitti fiduun keessummeessuuf ta’uu beeksiifma jedha.  


Mummichi ministeeraa Abiyyi Ahmad dhimmi biraa paarlaamaa keessaa ka’e deebii itti kennaniin, Kanneen dhiyeenya kana hidhaman Gaazexxessootaa fi warra yuuTubii irratti qophii dhiyeessan kan ilaaleenis  paarlaamaa keessatti ibsa kennaiinisaan keessaa hangii tokko hokkara Kakaasuu keessaa harka qabu kan jedhan Dr Abiyyi,namoota akka roogeessaa fi Gaazexxessuummaatti dhaabattoota guutuu biyyaa barbadeessan adda baafnee ilaaluu hin qabnu. Abbaa biyyummaa biyyaa kabajsisuu irratti Deemookraasiin jiraatu hin jiru jedhan.  


Hogganoonni Tigraay immo, mummichi ministeeraa Abiyyi bulchiinsa naannoo keessatti aangoo mootummaa waaltaa barbaadu jechuun himatu. Dr.Abiyyi gama isaaniin, TPLF aangoo biyyati bulchuu kan bara 2018 harkaa ba’e sana deebisee qabachuu barbaadu jechuun himatu.  
3.7K views05:40
திற / கருத்து
2022-06-08 00:41:18 Baalee Bahaa Keessatti Hanqinni Bu’ura Misoomaa Carraa Tuurizimii Duubatti Harkise Jedhame  
https://www.voaafaanoromoo.com/a/6607281.html

Baalee Bahaa, Dirree Sheek Huseen fi Holqa Dheeraa Soof Umar dabalatee bakkeewwan hawwata Tuurizimii hedduu qabaatus ammas rakkoon hanqina bu’ura misoomaa carraa Tuurizimii naannoon sun qabu duubatti harkisaa akka jiru jiraattonni VOA’tti himanii jiran.


Holqi Soof Umar kan Baale Bahaatti argamu balaa lolaatiinis yeroodhaa yerootti akka miidhamaa jiru Obbo Abdul jabbaar Sheek Ahmed Mahaammed, Abbaan Karraa Soof Umar himanii jiran. Waajjirri Aadaa fi Tuurizimii Baale Bahaa gama isaan, mootummaan furmaata barbaadaa akka jiru dubbataa.


Gama biraan dursaan ergama addaa Gamtaa Afriikaa kan Afriikaa bahaa Oliseguun Obasaanjoo torbee darbe kana Soof Umar daawwachuun qarshii gumaachanii jiru.
1.7K views21:41
திற / கருத்து
2022-06-08 00:41:18 Lammiileen Itiyoophiyaa Miliyoona Tokkoo Ol Dhibee Busaan Qabamuu Ministeerri Fayyaa Biyyattii Beeksise 
https://www.voaafaanoromoo.com/a/6607283.html

Itoophiyaatti bara 2014 baatii 10'n keessatti qofa lammiileen miiliyoona 1 fi kuma 300 ta'an dhibee Busaatin qabamuu Ministeerri Fayyaa biyyattii beeksiseera.

Biyyoota addunyaa adda addaa irratti kan mul'atee jiru, dhukkubni Maariyyee Jaldeessaa hanga ammaatti Itoophiyaa keessatti hin mul'anne jechuun Deetaan ministeera fayyaa Dr.Darajee Dhugumaa ibsaniiru.




Gama biraatin tatamsa'inni vaayirasii Kooviid 19 yeroo ammaa Itiyoophiyaa keessatti dachaan dabalaa akka jiru dubbatan. Tsahaay Daamxoo ibsa ministarichaa hordufuun gabaasaa ergite qabna.




 
1.3K views21:41
திற / கருத்து
2022-06-08 00:41:18 Koriyaan Kibbaa fi Yunaaytid Isteets Shaakala Itti Fufanii Jiru 
https://www.voaafaanoromoo.com/a/6607105.html

Kooriyyan Kibbaa fi Yunaaytid Isteets jeettoota waraanaa 20 kan hirmaachiise fi jabiina humna waraanaa qilleensa irraa agarsisuu kan gaggeessan yoo ta’u kunis koriyaan Kaabaa dhiyeenyatti yaalii dhukasa Nukleeraa gaggeessuuf akka jiru mallattoon agarsiisan akka jiran ibsamee jira.


Koriyaan Kibbaa fi Yunaaytid Isteets wal ta’uun gaggeessan kun, tuttuqqaa Koriyaa Kaabaaf hatattamaa fi haala sirrii ta’een deebii kennuuf dandeetti cimaa fi fedhii jiru kan agarsisee ture jedha waraannii Koriyaa Kibbaa.


Biyyonni lameen, tuttuqqaa dabalataa Koriyaan Kaabaa gaggeesitu hordofaa jiru.


Koriyaan Kabaa dhiyeenyatti yaalii nukleeraa isa 7ffaa gaggeessuuf akka jirtu mallattoon agarsisuu kan jiru yoo ta’u, kana gochuun ishee immo muddamsa kutaa caalaatti hammeessu ta’a.



 

 
1.1K views21:41
திற / கருத்து
2022-06-08 00:41:18 Lammiwwan Biyyoota Amerikaa Maaliif Biyya Ofii Irraa Dheessu? 
https://www.voaafaanoromoo.com/a/6607078.html

Qaamoonni mootummaa fi kan dhunfaa hedduu kanneen Amerikaa waaltaa keessatti misoomaa fi nageenya jajjabeessuu jedhamuun yaadaman Yunaaytid Isteets har’a kan labsitee yoo ta’u kunis, namoonnii achii irraa gara Amerikaatti godaanuu isaaniif sababaan maal akka hubachuuf ta’uun ibsamee jijra.


Itti aantuu prezidaantiin Yunaaytis Isteetes kamaalaa Haaris kaoora kana hogganuun, hogganoota daldalaa waliin wiixata kaleessaa galgala walgahuun, proojeektii dhunfaa haaraa kan Doolaaraa Biliyoona 1.9 jaarmayoota daldalaa fi ka biroof 10f ramadamuun ibsamee jira.Kan biraas muddee fullee keenyaa kan itti fufuu ta’u ibsanii jiru.


Yunaaytid Istees torban kana hogganoota biyyoota Amerikaa irraa dhufan walgahiif Loosaanjalas keessatti keessummeesuuf jiru waliin dhimmi kun wal afaan dhufe.


Yunaaytid Isteets walgahii kanaaf Kubaa, Nikaaraaguwaa ykn Veniau’eelaan akka hirmaataniif hin afeerre jechuun itti gaafatamtuun preesii kan Waayit Haawus wiixata kaleessaa ibsanii turan. Abbootiin irree afeermuu hin qaban jedhan.


Prezidaantiin meeksiskoo immo kana ilaalchisee walgahii kana irratti hin argamuu jechuun ministeera dantaa alaa biyyatti kan ergan ta’u beeksiisan.prezidaantiin Hoduraasis biyyonni Amerikaa hindii hin afeeraman taanaan walgahii kana irratti hin argamu jedhan.


Prezidaantiin Guwaatimaalaa walgahii sana irratti argamuu manna hojii biyya koo keessaa gaggeessuu naa wayya jedhan.Dhimma godaansaa kan ilaaleen meeksikoo honduraas fi Guatimaalaan michuu jaboo ta’uun Yunaaytid Isteetes waliin hojjataa turan.
1.5K views21:41
திற / கருத்து
2022-06-03 22:34:32 Rashaan lafa Yukreen dhibeentaa 20 too’achuu ishee ibsameera
https://www.voaafaanoromoo.com/a/6602491.html

Erga Raashaan Yukreeniin weerartee jimaataa har’aa guyyaa 100 yemuu guutee kanatti, waraanni Raashaa lafa biyyaa Yukreen dhibeentaa 20 qabachuu isaa prezidaantiin Yukreen Volodimiiyir Zelensikii Ibsanii jiru. Guyyaa kaleessaa karaa toora Marsariitiitin miseensotaa mana maree mootummaa Luuzenbargiif haasaa kan taasisan Zeleniskiin addaa waraanaa Kiiloomeetriii kuma dheeratuu irratii walwaraansii itti fufee jiraachuu isaa dubbataniiru.


Kamisaa kaleessaa akka Yuukreen jettetti kibbaa biyyatti kutaa Keheerson keessatti kan argaman gandootan fi magaalewwan 20n umnoottan Rashaa irraa bilisa bahaniiru. Karaa biraatiin, loltoonii Raashaa baha Yuukreen ,kutaawwan Doneskii fi Luhaanisk keessatti haleelaa itti fufuun isaanii gabaasamaa jira. Akka bulchaan Luhaanisk Seerhiy Haa’ida jedhanti,loltoonni Raashaa Magaala ishee dhumaa Luhaaniskii keessatti argamtu Si’eviroodoonesk dhibeentaa 70 too’ataniiru. Minsteerrii ittisaa Biritaanyaa gama isaatiin odeeffanoo kan mirkaneesuun isaa gabasameera.


 Haalaa waraansaa irratii ibsii hagganaa Yuukreen kennan kun kan ifa taasifame, ergaa Prezidaantiin US Joo Bayden Rookeetii fi meeshaalee waraansaa gurguddoo bituudhaaf kan ollu gargaarsaa Dolaarii Miiliyoonii 700 biyyii isaanii kennuu ishee beeksisanii boodee akka ta’e beekameera.
1.1K views19:34
திற / கருத்து
2022-06-03 22:34:32 Yunaayitid Isteetes ,biyyoottan dhiibbaa amantaa taasisu jette maqaa dhooftee jirti
https://www.voaafaanoromoo.com/a/6602474.html

Ministeerrii dhimmaa alaa yunaayitid isteets walabuumaa amaantaa ilaalchisee ibsaa wagga mana maree bakka bu’ootaataaf  dhiheessee keessatti biyyootaan dhiibaa amantaa irratii hunda’ee lammiilee isaanii irratii taasisan addaan baasuudhaan beeksisee jira.


Akka gabaasichi ibsetti, bara 2021 keessaa Chaayinaan mirgaa amaantaa irratti dhiibaa taasisuudhaan sadarkaa jalqabaa irra jirti. Minstiriri dhimmaa alaa US Antoonii Bliinken dhimma kana ilaalchisuudhaan ibsaa kennaniin,Chayinaan, warren caalaan isaanii amantaa musiliimaa hordofan, warraa Uyghuri fi hordoftootaa amantaa warren lakkoofsaann yaraa ta’anii irratti duguuggaa sanyii fi diibbaa raawwachuu itti fuftee jirti. Bara 2017 as warren saba Uyghurii, Kaazaak, Turkees fi wareen biroo miliyoonii tokko ta’an moraa mana hidhaa jinjiyaang keessatti hidhamaniiru jedhaniiru.


Antoonii Bliiken itti dabaluudhaan, Paartiin sirna Komunistii Chaayinaa, isaan amantaa Budahaa hordofan warren Tibeet irratiis hacuuccaa taasisaa jiraachuu isaa ibsaniiru.


Mootummaan chaayinaa himannaa sadarkaa adduuyaa irratti dhihaachaa jiru haluudhaan bakkeewwan mooraa hidhaatii jedhaman hunduu mooraawwan leejii ogeessumaati jechaa jiraachuun ishee gabaasameera.


Gabaasaa kana keessatti Chaayinaatti aanuudhaan Iraan, Maayinmaar, bulchiinsii mootummaa Taalibaan kan Afgaanistaan , Raashaan , Indiyaaniif Paakistaan maqaa dhahamaniiru.


Akka Bliinken jedhanitti , biyyaa dimokiraata’umaadhaan beekamtuu Indiyaa keessatti haleellaan bakeewwaan amaataati namoottan irratti raawwatu dabalaa deemaa jira. Waggootan darbaniif dhiibbaa amantaa ilaalchisee  himannaa US irara dhihaachaa ture Indiyaan jabeesitee mormaa turuun ishee ni beekama. Biyyii olla Indiyaa Paakistaan yakkaa dhimmaa amantaatiin walqabateen namoottan 16 irratti murtoo adabbii du’aa dabarsuu isheetiif ,amma ammati namoonnii ajeefaman akka hin jirree gabaasameera.


 


 
855 views19:34
திற / கருத்து
2022-06-03 22:34:32 Godina waag Himiraatti beelladonni kumni 20 du’aniiru jedhame
https://www.voaafaanoromoo.com/a/6602431.html

Naannoo bulchiinsa Amaaraa goodina bulchiinsaa sablammii waag himiraa keesatti hanqinaa roobaatiin kan ke’ee ji’oottan sadan darban keessatii beeladoonii kumnii 20 yemuu du’an kuma 100 ol kan ta’an imoo garaa naannolee biraatti godaanuun isaanii ibsameeraa.


Waajiraa misoomaa beeladootaa fi qurxummii godinichaa fi jiraattota wabefachuudhaan gabaasinn Masfin Arragee qindeesee akka ibsetti, waggootan darbanii fi roobinii gahaan waan hin tureef, akkasumas sababa walwaraansaatiin horsisee bultoonni bakka biroo deemanii nyaataa beelladootaa barbaachuu waan hindadeenyeef rakkoon kun hammaachaa ganda’eeraa jedhameera. 
984 views19:34
திற / கருத்து
2022-05-26 00:50:06 Koloneel Gammachuu Ayyaanaa Hidhaa Ba’anii Jiru:Abukaatoo
https://www.voaafaanoromoo.com/a/6588955.html

 Hoggansi olaanaan ABO koloneeL Gammachuu Ayyaanaa har'a mana hidhatti bahaniiru jechuun abukaatoon isaanii ibsaniiru. 


 Koloneel Gammachuun kaleessa Mana Murtii Waliigalaa Federaalaa, Dhaddacha Ijibbaataatti dhiyaatanii dhimmi isaanii erga ilaalameen booda, haal duree tokko malee akka hiikamaniif manni murtii ajaja dabarsee ture kan jedhaan abukaatoon isaanii obbo Tuulii Baay'isaa Poolisiin kaleessa ajaja mana murtii raawwachuu diduun Koloneel Gammachuu mana hidhaa keesa bulchan jedhanii, har’a garu hiikamuun  maatii isaaniitti dabalamuu isaanii Tsehaay Daamxoo Fin finnee irraa gabaastee jirti.. 


  


 
345 views21:50
திற / கருத்து
2022-05-26 00:50:06 Dr. Tedroos Adhanoom Marsaa Biraaf Muudaman
https://www.voaafaanoromoo.com/a/6588947.html

Dr.Tedroos Adhaanoon marsaa lammataa waggaa shaniif  Daayreekteera walii galaa kan Jaarmayaa fayyaa addunyaa ta’anii irra deebi’anii filatamuu isaanii dinqiisiifatanii jiran. 


Kan Kibxata kaleessaa isaan filatees biyyoota miseensoota dhaabata fayyaa kan Tokkummaa Mootummootaa walgahii Swiizerlaand keessatti walga’aniin ture. 


Kaadhimamaan ka biraan Dr. Tedroosiin dorgomuuf dhiyaate hin turre yeroo weerarrii vaayrasii koroonaa hammaateetti deebiin kennamaa ture sana waan ta’eef jedhamee jira. 


Dr. Tedroos lammii Afrikaa jaarmayaa fayyaa addunyaa hogganan kan jalqabaati ta’u fi ituu dooktoora waa’ee fayyaa hin ta’iin hojjataa jiran ta’uun ibsamee jira. 


Kana malees Dr.Tedroos  deggersa biyya isaanii kan taate Itiyoophiyaa kan hin qabnee fi wal waraansaa fi rakkoo gargaarsa dhala anamaa  biyyatti keessa kan ilaaleen qeeqa eega dhiyeessanii booda, waa’ee hoggantummaa Dr Tedroos irratti Itiyoophiyaan gaaffii kaasuun ni yaadatama. 
269 views21:50
திற / கருத்து
2022-05-26 00:50:06 Mariin Gaggeeffamu Kallattiin Putiin Waliin Ta’u Qaba:Zeleenskii
https://www.voaafaanoromoo.com/a/6588940.html

Raashaa waliin dubbachuuf fedhii akka qaban kan ibsan mummichi ministeera Yukreen Volodmiir Zeleenskii kunis prezidaant Putiin waliin kallattiin kan gaggeeffamu ta’u qaba jedhan. 


Zelenskiin gama vidiyoon walgahii dinagdee kan addunyaa irratti kana kan dubbatan yoo ta’u, yoo dhugumaan Putiin dhugaa lafa irra jiru ni hubata ta’e, furmaata karaa diploomaasiin walitti bu’iinsa kana keessaa ba’uuf carraan jira jedhan. 


Kana malees, Raashaa waliin dubbachuuf tarkaanfiin dursee fudhatamuu qabuu waraannii Raashaa lafa weerara ituu hin jalqabiin dura tureetti deebi’uu qabu jedhan Zeleniskiin. 


 
223 views21:50
திற / கருத்து
2022-05-26 00:50:05 Koriyaan Kaabaa Misaa’eela Furguggiftee Jirti
https://www.voaafaanoromoo.com/a/6588927.html

Prezidaant Baaydiin daawwannaa biyyoota Eshiyaa kaaba bahaa keessatti gaggeessan eega xumuranii sa’atilee hanga tokko booda, Koriyaan Kaabaa yaalii dhukaasa misaa’iila Baalistiik sadii kan ardiwwan qaxxaa muuruu dabalatee gaggeessuu ishee Koriyaan Kibbaa beeksiiftee jirti. 


Garu yeroo daawwannaa prezidaant Baaydiin otoo hin taanee eega imaltuu xumuranii ba’anii sa’atii 12 booda yaalii kana Koriyaan Kaabaa gaggeessite. 


Waraanni Koriyaa Kibbaa deebii kenneen, shaakala jettoota waraanaa 30 kanneen F-15K jedhaman hirmaachisee gaggeessee jira.Kana malees Amerikaa fi koriyaan kibbaa dhukaasa misaa’eelaa kan lafa irraa ykn Donii irraa waan irratti qiyyaafatamee haleeluu shaakaluun isaanii ibsamee jira. 


 
235 views21:50
திற / கருத்து