VOA Afaan Oromoo

2022-01-27 07:54:54 Dhaabbanii Fannoo diimaa Maqaleetti balali’uu eegalee jira
https://www.voaafaanoromoo.com/a/dhaabbanii-fannoo-diimaa-maqaleetti-balali-uu-eegalee-jira/6413962.html

Koreen  fannoo diimaa adduunyaa ji’a Fulbaanaa darbee as yeroo jalqabaatiif gargaarsaa fayyaa atattamaan barbaachisan Roobii har’aa xiyyaaraan maqaleetti geessu  isaa beeksiseera.


Gargaarsi qorchaa fi wanneen eegumssa fayyaatiif barbaachisaa ta’an kun kan maqalee akka galuu taasifamee gargaarsa haanga’otaatiin akka ta’e kan ibsee, koreen fannoo diimaa, gargaarsichii hospitaalota fi buufataalee fayyaa adda addaatti akka atattamaan raabsamu eereera.


Jila koree fannoo diimaa adduunyaa kan Itiyoophiyaa kan ta’an Appooloo Baraasa  gargaarsii amma taasifamee kun lubbuu namoottan kumaatamatti lakkawamanuu kan baraaru akka ta’e ibsanii gargaarsii barbaachisaa ta’e kun akka itti fufu himaniru.


 Gargaarissi xiyyaaraan fe’amaa jiru kun  guyyoottani fi torban dufan keessaa akka itti fufu kan ibse koreen fannoo diimaa, akkaataa haalii nageenyaa eeyyameen karaa lafaas akka itti fufu himee , gargaarsii dhaabatichaa Naannoo Amaaraa fi Affaar keessatis akka itti fufu beeksiseera.


Hojjattoonii fayyaa kaabaa Itiyoophiyaa keessa jiran haalaa rakkisaa ta’e keessaa fedhii namootaa guutuudhaaf tattaafachaa akka jiran kan ibsan Obbo Baraasan gareewwan wal loliinsa keessa jiran hunduu gargaarsaa namoomaatiif akka haalaa mijeesan gaafachuu isaanii ibsii koree fannoo diimaa adduunyaa irraa bahe beekisiseera. திற / கருத்து

2022-01-27 07:54:52 Burkiinaa Faasoo fi Fonqoolcha Mootummaa
https://www.voaafaanoromoo.com/a/burkiinaa-faasoo-fi-fonqoolcha-mootummaa/6413413.html

Deggertonni waraana Burkiinaa Faasoo fonqoolcha mootummaa Wiixata dabree biyyatti keessatti gaggeeffame deggeruun hiriiran.Waraanni hidhate hidhattoota Islaamaa dhabamsiisa abdii jedhu qaban. 


Xinxaltonni gama isaaniin fonqoolchi mootummaa gaggeeffamee fi yaaliin ajjee


chaa prezidaantii biyyatti irratti ta’e biyyatti gara tasgabii waariinsa qabuu fi Deemookraasitti deebisuu isaa irratti yaaddoo qabu. 


Gabaasa Guutuu Caqasaa.  திற / கருத்து

2022-01-27 07:54:52 Ministiriin Fayyaa Itiyoophiyaa Meeshaalee Hafuura Deddeebisuuf Gargaaru 100 Arjoomtota Irraa Argachuu Beeksise
https://www.voaafaanoromoo.com/a/ministiriin-fayyaa-itiyoophiyaa-meeshaalee--arjoomtota-argate/6414076.html

Itiyoophiyaan weerara COVID 19 ittisuuf yaalii gootuun cinatti, sababaa wal waraansa sanaan kan manca’an waaltaalee eegumsa fayyaa deebistee ijaaraa jirti jechuun ministeerri eegumsa fayyaa beeksisee jira.


Ministrittiin eegumsa fayyaa Dr. Liyaa Taaddesee gaazixeessotaaf ibsa kennaniin, dhaabatoonni michoota ta’an, meeshaalee hafuura deddeebifachuu gargaaran kan harka namaan hojjetaman100 Itiyoophiyaaf arjoomanii jiran. Meeshaaleen kan maallaqaan doolara Ameerikaa kuma $600 ka baasu tahuunis himamee jira.   திற / கருத்து

2022-01-27 07:54:52 Muddamnii dhimmaa Raashaa fi Yuukireen itti fufee jeraa
https://www.voaafaanoromoo.com/a/muddamnii-dhimmaa-raashaa-fi-yuukireen-itti-fufee-jeraa/6414038.html

Muddama dipilomasii Raashaa fi Yuukireyin gidduutti Umamee laafisuudhaaf bakka bu’oonii Yukireyin , Raashaa, Jarmanii fi faransaay maryachuudhaaf paaris keessatti wal argani jiru. Walgalteen irra gahamee amma ammaatti beekamuu baatus prezidaantin Raashaa fi Faransaay Jimaata Iftaanii wal arganii maryachudhaaf murteessuun isaanii gabasameera.


 Prezidaantiin Yukireen Volodimiir Zeleniskii guyyaa kaleessaa ergaa lamilee biyyaa isaaniitiif dabarsaniin, > jedhaniiru.


  Haanga’oonni mootummaa Yunaayitid Isteets waa’ee boba’aa ykn gaazii uumamaa isa Rashiyaa iraa gara Awuroopaatti raabsamuu irratii ojjachaa akka jiran yemuu ibsamuu Raashaan gamaa isheetiin wa’ee loltootaa Yunaayitid Isteets 8,500 warreen Awurooppaa bahaatti bobba’uudhaaf qophaahaniiru jedhame irraatti akka xiyyeefachaa jirtu himameera.


Prezidaantiin Yunaayitid Isteets Joo Baayiden ibsaa guyyaa kaleessaa kennan irratti Yunaayitid isteets fi NATOn Awuroopaa lixaa keessati umnaa isaanii akka jabeessaan, Yunaayitid Isteets garuu waraan ishee gara Yukireyinitti akka hin ergine himaniiru. திற / கருத்து

2022-01-26 08:14:10 Somaaliyaa fi Rakkoo Caamaa
https://www.voaafaanoromoo.com/a/somaaliyaa-fi-rakkoo-caamaa/6412416.html

Caamnii hamaan waggoota kurna hedduuf Somaaliyaa mudate uummanni Miliyoona hedduun gargaarsa nyaataa irratti akka hirkatu kanneen biroon kuma hedduun immo baadiyyaa baqatanii magaalaalee akka seenan taasisee jira. 


Handaara magaalaa Moqadishootti kan argamu bakki godaantoonni keessa buufatan keessa immo haala wal muddee fi qulqullinni isaa hin eegamneetu weerara dhukkuuba KOOVIID-19 waliin mudatee jira. 


Gabaasa Guutuu Caqasaa திற / கருத்து

2022-01-26 08:14:09 Waraannii Burkiinaafaasoo Biyyatti To’achuu Beeksisee Jira
https://www.voaafaanoromoo.com/a/waraannii-burkiinaafaasoo-biyyatti-to-achuu-beeksise/6412412.html

Looltonni biyyatti prezidaant Kaboree aangoo irraa buusuun mootummaa qabachuu isaanii Televiziyoona biyyatti irratti dhiyaachuun ibsan. 


Hogganoonnii waraanaa haaraan filannoo haaraa gaggeessuuf guyyaa hunduu irratti walii galuu qindeessuu barbaardu jedhan. 


Gabaasa Guutuu Caqasaa.  திற / கருத்து

2022-01-26 08:14:09 Muummichi Mnisteeraa Abiy Ahimed Naannoo Somaalee Bakka Hongeen Miidhe Daawwatan
https://www.voaafaanoromoo.com/a/muummichi-mnisteeraa-abiy-ahimed-bakka-hongeen-miidhe-daawwatan/6411851.html

Hongee naannoo Somaalee mudate ittisuuf mootummaan isaanii konkolaattota bishaan deddeebgisan, nyaata, dawaa fi dhiyeessii nyaata beeladaalee  kan dabalu ta’uu muummichi ministeeraa Abiy Ahimed beeksisaniiru.


Muummichi miisteerichaa ibsa kana kan kennan ennaa naannolee hongeen miidhe har’a daawwatanitti ture. Dhabamuu beeladaalee hanqisuuf illee waadaa seenanii jiran.


Prezidaantiin naannichaa Musxafaa Mehaammed muummicha ministeeraaf akka himanitti, beeladaaleen gara naannolee biraatti ergaman haala qilleensaa haaraa itti ta’u waliin wal baruu hin danda’an jedhan jechuun Addis Chekkol gabaaseera. திற / கருத்து

2022-01-24 21:58:39 Somaaliyaan ABBO tarree Shoroorkaa Keessaa Baasuuf Murteessite
https://www.voaafaanoromoo.com/a/somaaliyaan-abbo-tarree-shoroorkaa-keessaa-baasuuf-murteessite/6410245.html

Mootummaan Somaaliyaa Adda Bilisummaa Biyyooleessa Ogaadeen(ABBO) tarree jaarmayoota shoroorkeessootaa keessaa haquuf murteessuu isaa prezidaantiin bulchiinsa naannoo somaalee kan Itiyoophiyaa Musxafaa Mohammed Omaar simatanii jiru. 


Addi bilisummaa Biyyooleessa Ogaadeen Itiyoophiyaa keessatti paartilee mormitootaa keessaa tokko yoo ta’u bara 2018 jijjiramnii siyaasaa erga argamee booda biyyatti deebi’ee. 


Jaarmayaan kun ifatti qabsoo hidannoo ganuun  akka paartii siyaasaa tokkotti seera qabeessa ta’e galmaa’ee jira.  திற / கருத்து

2022-01-24 21:58:39 Angawaan Sudaan Itiyoophiyaa Seenanii Jiru
https://www.voaafaanoromoo.com/a/angawaan-sudaan-ituyoophiyaa-seenanii-jiru/6410235.html

Kan Sudaaniin bulchaa jiru kaawunsilii  abbaa biyyummaaf Itti aanaa prezidaantii kan ta’an Mohammad Dagaaloo daawwannaa guyyaa lamaaf Dilbata kaleessaa Itiyoophiyaa seenanii jiru. 


Dawwannaan isaanii kun kun dhaga’amuun, hidha laga Abbayyaa fi daangaa biyyoota lameenii kan ilaaleen Itiyoophiyaa fi sudaan falmii keessa yeroo jiranti. 


Sudaan na weerartee jechuun Iyoophiyaan kan himattee yoo ta’u, Sudaan immoo naannoo daangaa suun kan kooti jetti. Jeneraal Diagaloon mummicha ministeeraa Abiyyi Ahmad waliin dubbachuu isaanii midiyaan biyya keessaa gabaasanii jiran.  திற / கருத்து

2022-01-24 21:58:39 Miseensonni NATO Doonilee fi Jeettiiwwan Waraanaa Awrooppaa Bahatti Ergaa Jiran
https://www.voaafaanoromoo.com/a/nato-doonilee-fi-jeettiiwwan-waraanaa-awrooppaa-dhiyaatti-ergaa-jiran-/6410140.html

NATOn miseensonni isaa naannoo Yukireen waliin wal daangessu irratti Raashiyaan waraana ishee walitti qabuu iseef deebii kennuuf jecha doonilee fi jeettiiwwan waraanaa gara Awrooppaa gama bahaatti ergaa jiran.


Ibisi NATO akka beeksisetti Deenmaark, Ispeen, Ferensaay, Nezerlaands fi Ameerikaa dabalatee biyyoonni hedduun loltootaa fi meeshaalee waraanaa itti dabalaa bobbasuuf ykn bobbaasuun itti yaadamuu isaa labsee jira.


Muummichi bareessaan NATO Jens Stoltenberg akka jedhanitti michoota keenya maraaf eegumsa gochuuf akkasumas waraana gamtichaa kan gama dhiyaa jabeessuu dabalatee NATOn tarkaanfii barbaachisaa mara fudhachuu itti fufa.


Humna ittisa walii gala cimsuu dablatee nageenya keenya kan jeequuf yeroo mara deebii ni kennina jedhan.


Dubbi himaan Krmlin Dmitry Peskov Yunaayitid Isteetsii fi michoonni isaa NATO muddama jiru hammeessuu isaanii qeeqanii jiru.


Yunaayitid Isteetisii fi Biriteen tarkaanfii waraanaa Raashiyaan fudhachuu maltu tuquu dhaan hojjettoonni embasii fi miseensonni maatii isaanii  kanneen Kyiv keessaa Yukireeiin gad dhiisanii akka ba’an gaafataniiru. Ministeerri dhimma alaa Yukireen tarkaanfii Yunaayitid Isteeti hubateera garuu komee isaa dhiyeessee jira.


Dubbi himaa kan ta’an Oleg Nikolenko fuula tweeter isaaii irratti har’a akka barreessanitti, hojii diplomaasummaa biyyotii alaa fi nageenya isaanii eeguu fi mirga isaanii kabajaa jiraannus tarkaanfiin fudhatame garuu yeroo isaa kan hin eeggannee fi akka malee of eeggachuu dha jennee amann jedhan. திற / கருத்து

2022-01-20 21:43:31 Gaaffii fi Deebii Ministarri Dhimma Alaa Yunaayitid Isteetis VOA Waliin Taasisan 
https://www.voaafaanoromoo.com/a/gaaffii-fi-deebii-antonii-blinken-voa-waliin-taasisan-/6405140.html

Wal-muddinsa Awurooppaa gama Bahaa keessaa fi carraaqqii dippiloomaasii taasisamaa jiru dhimma ilaallateef kan gara Yukireenitti imalanii turan ministarri dhimma alaa Yunaayitid Isteetis Antoonii  Bilinken, “Raashiyaan gara walitti-bu’insaatti seenuu irra karaa dippiloomaasii filatti,” abdii jedhu akka qaban kaleessa magaalaa galma-mootummaa Yukireen, Kiyeev keessatti, Itti-gaafatamtuu  Biiroo VOA, kan Awuroopphaa Bahaa, Mirooslaav Gongaadiizee  waliin gaaffii fi deebii deemsisaniin ibsan.  


“Ifatti, karaan irra wayyaawaan, karuma kana,” jedhan, Bilinken.  


Raashiyaan booruma kaatee Yukireeniin yoo weerarte Yunaayitid Isteetis maal gochuu akka dandeessu, gaaffii Mirooslaav gaafatteef ennaa deebisan,  “harka tokkotti haasaa fi dippiloomaasii harka biraatti walitti-bu’insaa fi daafoo isaa” Raashiyaadhaaf filannoo ifa tahe dhiheessuu isaanii eeranii, Raashiyaa waliin yeroo ammaa karaa  NATO  fi karaa dhaabbata Tumsa Tasgabi fi Naga-eegumsaa Awurooppaa yokaan OSCA aa mariiwwan dippiloomaaasii ciccimoon ka geggeessamaa jiran tahuu dubbtan.  


“Raashiyaan weerara Yukireen irratti geggeessite kan haaressitu yoo tahe garuu, nu, Yunaayitid Isteetis qofa otuu hin taane, biyyoonni baay’een guutummaa Afrikaa keessa jiran, sanaa ala illee kanneen jiran, humna jabaan deebii kennina,” jedhan  - Bilinken.  Guutumama gaaffii deebii isaanii Liinkii kanatti aanee jiru banachuun caqasaa.   திற / கருத்து

2022-01-20 21:43:30 Hidhamtoota Siyaasaa Hiikuun Marii Biyyaalessaa Mootummaan Akka Geggeessamu Beeksiseef Maal Gumaacha? 
https://www.voaafaanoromoo.com/a/hidhamtoota-siyaasaa-hiikuu-fi-marii-biyyaalessaa-/6405020.html

Muddee 29, bara 2014 Akka Lakkoofsa Itiyoophiyaatti  Mootummaan Itiyoophiyaa hooggantootaa fi miseensota dhaabbilee siyaasaa shakkamanii to’annoo seeraa jala turan himannaa isaanii addaan kutuun manneen hidhaa keessaa gad lakkisuun isaa ni yaadatama.


Himannaan namoota shakkamanii to’annoo seeraa jala turanii kanneeni addaan kutuun ka barbaachise marii biyyaaleessaa hunda galeessa ta’e aggeessuuf akka biyyattii qophii jalqabameef yaadameeti jechuun, Mootummaan ibsa kenne.




Hiikamuun namoota siyaasaa kun gama seeraan akkamitti ilaalama? Marii biyyaaleessaa taasifamuuf  deemuuf hoo furmaata akkamii fidee dhufa?


kan jedhurratti gabaasaan keenya Mitikkuu Fiqaaduu ogeessoota seeraa lama dubbisuun waan qindeesse qabna. Hordofaa.  






  திற / கருத்து

2022-01-15 09:46:35 Koreen Noobeel Kan Norweey Ibsa Baase
https://www.voaafaanoromoo.com/a/koreen-noobeel-kan-norweey-ibsa-baase/6397309.html

Badhaasa Noobeel ka nagaa bara 2019 kan argtan mummichi minsteeraa Abiyyi Ahamd walitti bu’iinsa biyya isaanii keessaa xumuura itti tolchuuf akkasumas nagaa buusuuf itti gaaftama addaatu irra jira jechuun koreen Noobeel kan biyya Norweey,ibsa baasee jira. 


Baatii Sadaasa bara 2020 kaasee muddamsii Itiyoophiyaa keessaa hammaatee gara wal waransa guddaatti seenamee ture kan jedhe ibsii kun, rakkoon gargaarsa dhala namaa hamaa akka jiru, gargaarsii nyaataa guddaan kanneen isaan barbaachisu dhaqqabuu dhabuun immo waan fudhatama hin qabne jedhee jira. 


Mummichi ministeeraa Abiyyi Ahmad bara 2019 badhaasa Nobeel kan nagaa arachuun yeroo sanatti, yaalii gochaa turan irratti hirkachuun akkasumas waan gaarii fi fudhatama qabu hojjataniif ta’u kan beeksisee ibsii kun, yaada nagaa buusuu dhiyeessaniin Ertraa waliin nagaan argamu ibsa. 


Kana malees, yaada siyaasaa bal’aa kan waa’ee Demookraasiif akkasumas kabajamuu mirga sivilootaaf dhiyeessanif ta’u ibsee,Duddubbeen seenaa biyyatti, caasaa mootummaa abba irree fi walitti bu’iinsa gosootaa bal’inaan gaggeeffamaa ture jechuun ibsii koree Noobeel kan Norweey ibsee jira. 


Kana malees koreen kun , dhimmoota ijoo badhaasii Nobeel kan Nagaa akka mummicha ministeeraa Abiyyi Ahamadiif kennamuu taasiisan, kan yeroo sirna badhaasichaa irratti dubbatamee irraa kan hafee, ifatti ibsa kennuu hin dandeenye jedha. 


Hojiin badhaafamaa filachuuf gaggeeffamuus iccitiin kan deemsifamuu waan ta’eef, 


Kana malees, erga badhaasa sana kenninee boodas, haala Itiyooophiyaa keessaas ta’e haala badhaafamaa Sanaa itti fuufnee ibsa kennuun qooda ykn itti gaafata keenya mitii jechuun koreen Noobeel kan Norweey ibsa isaa baasee Kanaan beeksisee jira.  திற / கருத்து

2022-01-15 09:46:35 ABUT Haleellaa Haaraa Gaggeesse :Angawaa 
https://www.voaafaanoromoo.com/a/abut-haleellaa-haaraa-gaggeesse-angawaa-/6397278.html

Bulchiinsa naannoo Affaar keessatti haleellaa Addi Bilisummaa Uummata Tigraay(ABUT) geesisee sana booda, uummanni kuma kurna hedduun manaa fi qe’e isaa irraa godaanuu bulchaan magaalaa Abaalaa XaahiIr Hassan ibsanii jiru. 


Mootummaan Itiyoophiyaa waraanni isaa akka gara Tigraayti hin imallee dhorkaa ituu jiruu ABUT garu Naannoo jireenyaa kan magaalatti keessaa haleelan jedhan.Abaalaan daandii semeraa fi Maqalee wal argisiisuu gidduu jirti.  


Mootummaan Itiyoophiyaa kamiisa kaleessaa galgala ibsa baaseen, ABUT karaa gargaarsii darbuu irratti haleellaa banee jedhee jira.Karaa gargaarsii Tigraayiin ittiin dhaqqabuu Abaalaa irrattis haleellaa haaraa banuun isaa arguun ajaa’ibsiisaa dha jedha ibsii ba’e. திற / கருத்து

2022-01-15 09:46:35 Ispees Eekis Saayelaayitii Afrikaan Kibbaa Qabatee Gara Hawwaa Imaleera
https://www.voaafaanoromoo.com/a/ispees-eekis-saayelaayitii-afrikaan-kibbaa-qabatee-imaleera/6396953.html

 Afrikaan Kibbaa qurxummii warra seeraan ala galaanaa ishii irraa qabatan to’achuuf saayinsii hawaa fayyadamuu jalqabuu, as Yunaaytid Isteets Kutaa Kaalifoorniyaa keessatti kaampaanii tokko baayooteekinoolojii fayyadamuudhan biqiltuu irraa haaluu uffata jiinsiif oolu uumuu ibsuun qabiyyee  Qophii Labataa harraati. Wa-lduraa duubaan dhihaatan.





  திற / கருத்து

2022-01-14 08:04:25 Naannoo Benishaangul Gumuz Keessatti Weerarri Koovid Dabale, Jedha Mootummaan Naannichaa 
https://www.voaafaanoromoo.com/a/naannoo-benishaangul-gumuz-keessatti-weerarri-koovid-dabale-jedhame/6395973.html

Naannoo Benishaangul Gumuz keessatti weerarri Koovid-19 babal'achaa waan jiruuf hawaasni eeggannoo akka taasisu Biiroon Fayyaa Naannichaa beeksise.


Hoogganaan Sab-Quunnamtii Biiroo Fayyaa Benishaangul Gumuz obbo Waaccoo Waaqbulchoo, "Qorannaa Saamudaa taasisameen tamsa'inni Kooviid 19 duraan dhibbantaa shanii gadi ture, amma gara dhibbantaa 20 hanga 30tti ol guddateera" jechuun dubbatan.


Gabaasaa guutuu  caqasaa. 






  திற / கருத்து

2022-01-14 08:04:24 Kan Dr. Tewodiroos Jaarmayaan Fayyaa Addunyaa Tigraay Keessatti Gargarsa Dawaa Kennuu hin Dandeenye Jedhaniif Mootumman Deebii Kenne
https://www.voaafaanoromoo.com/a/mootummaan-itiyoophiyaa-dhaabilee-gargaarsaa-irrati-komii-dhiheesse/6395856.html

Mootumaan Itiyoophiyaa Dhaabanii Fayyaa adduunyaa/WHOn fi dhaabilee idilee adduunyaa biroo rakkinaa Kaaba itiyoophiyaa keessaa jiruu irratti garee qabatanii looganiiru jechuudhaan komii dhiheesseera. 


 Daarekteerrii dhaabata fayyaa Aduunyaa Doktoor Tewodiroos Adihaanoom tibbana ibsa keennaaniin dhaabanii isaanii naannoo Amaaraa fi Affar keessati akka gargaarsa kennaa jiru ibsanii Tigraayiin galanii akka gargaarsa hin kenninee mootummaa Itiyoophiaa Eeyymaa dhorkuu isaa ibsanii akka himannaa dhiyeessan  gabaasin Masifen Araagee ibseera.


  திற / கருத்து

2022-01-14 08:04:24 Mariin presidaant Baayiden fi Muummicha ministeeraa Abiy bu’a qabeessa akka ture ibsame
https://www.voaafaanoromoo.com/a/6395788.html

Prezidaantin  Yunaayitid Isteets fi Muummeen ministeeraa Itiyoophiaa  mariin isaan Bilbilaan taasisan bu’a qabeessa akka ta’ee dubbi himaan ministeeraa dhimma alaa Itiyoophiyaa Ambaasader Diinaa Mufti ibsaa gaazexessootaaf Keennaniin  ibsaniiru .


Akka ambaasader Diinan jedhaatti, Muumeen ministeeraa Abiy Ahimad akkaataa hundee wal waraansaa kaabaa itiyoophiyaatti, ojii jaarmiyaawwan waraanan mancaa’ani deebisaanii ijaaruu irratti akka Prezidaant Baayideeniif ibsa kennaniiru jechuu isaanii gabaasin Malaskaachoo Ammaaha ibseera.


 Ministirii dhimaa alaa Yunaayitid keessatti diploomaatii gameessaa kana ta’an akka ibsanitti, mariin hoggantoonii biyya lammanii taasisan gaarii ture.


  திற / கருத்து

2022-01-13 23:23:41 Hongee Hamaan Uummata Somaaliyaa fi Itiyoophiyaa Keessaa Mudachuuf Akka Jiru Gabaasame
https://www.voaafaanoromoo.com/a/hongee-somaaliyaa-fi-itiyoophiyaa-keessatti-muudate/6395713.html

Somaaliyaa fi Itiyoophiyaa kibba gama bahaa keessatti hongee hamaan uummata miliyoona sadii ol miidhaa kan jiru ta’uu koreen baraarsaa kan sadarkaa addunyaa beeksisee jira. IRCn akka jedhetti biyyoonni gaanfa Afriikaa lama biyyootii addunyaa 20 kanneen waggaa kana rakkoo namoomaa hamaan miidhaman keessaa ti jedha gabaasi Mohammed Yusuf Naayiroobii irraa erge.




Itiyoophiyaa fi Somaaliyaan toora biyyoota 20 hordoffii yeroo hatattamaa kan bara 2022 koreen baraarsaa tarreesse keessaa ti. Richard Kiroozers IRCtti daayiriktera damee Somaaliyaa ti. Haalli namoomaa biyyoota lamaanii keessaa gaarii miti jedhan.


Kiroozers akka jedhanitti gaanfi Afriikaa Erga yeroo hanga tokkoo as qarqara rakkina hamaa irra ga’ee jira. Yeroo ammaa hanqina wabii nyaataa hamaa fi namoonni qe’ee ofii irraa buqqa’uutu nu mudatee jira jedhan.


Koreen baraarsaa akka jedhetti hanqinni roobaa naannoleen hangi tokko waggoota 40 keessatti haalli hamtuun isaan mudatee jira. Yoo xiqqaate uummanni miliyoonni sadii hongeen kan miidhaman yoo ta’u, kanneen 170,000 ol ta’an bishaan, marga dheedichaa fi gargaarsa namoomaa barbaacha qe’ee ofii dhiisanii godaananiiru.  திற / கருத்து

2022-01-08 00:17:46 Miseensonni Hooggansa KFO Mana Hidhaa Turan Akka Hiikaman Murtaa’uu Mootummaan Beeksise  
https://www.voaafaanoromoo.com/a/6387527.html

Miseensota hooggansa paartii Koongirasii federaalistii Oromoo obbo Jawaar Mohammad ,Baqqalaa Garbaa, Dajanee Xaafaa fi kanneen galmee obboo Jawaar Mohammad jalatti waamaman kanneen biroo akka bahan murtaa'eera, jedhe ibsi galgala kana Tajaajila Toomunikeeshinii Mootummaa Itoophiyaa Bahe. 
Miseensa hooggansa KFO keessaa ammatti obbo Dajanee Xaafaa  bahuunis mirkanaa'ee jira. Gaazeexeessaa Mallasee Dirribsaa fi Shamsaddiin Xaahaas bahanii jiru.
Haata'u malee Obbo Jawaar Mohammad, Obboo Baqqalaa Garbaa, Hamzaa Booranaa fi  kanneen biroon akka hiikaman murtaa'uun ibsa sana keessatti himamus akka maddaan adda addaa jedhanitti hanga yoonaa garuu mana hidhaa irraa hin baane.

Gama biraatin dura taa'aan paartii Baalderaas obbo Iskiindir Naggaa fi hooggansi paartichaa hidhaa irra turan har'a galgala hiikamuu isaanii duubi-himaan paartichaa obbo Baqaaluu Axinaafuu Raadiyoo sagalee Ameerikaatiif ibsaniiru.
Dhiyeenya kana kan to'ataman Obbo Sibaat Naggaa fi namoonni 6 galmee isaanirratti himatamaan akka mana hidhaatii bahaniif murtaa'era, jechuun Tajaajilli Koomunikeeshinii  Mootummaa Itoophiyaa galgala kana ibsa baaseen ifoomse jira.   திற / கருத்து

2022-01-08 00:17:45 Mootummaan Hidhamtoota Labsii Yeroo Muddamaatiin Wal-qabatee Hidhaman Keessaa Kan Hiikaa Jiru Tahuu Beeksise  
https://www.voaafaanoromoo.com/a/mootummaan-hidhamtoota-keessaa-kan-hiikaa-jiru-tahuu-beeksise-/6387504.html

Mootummaan Itiyoophiya namoota gareelee shoroorkeessootaa waliin hidhata qabu jedhee shakkuun hidhee ture hiikaa kan jiru ta’uu waajirri tajaajiila Komunikeeshinii mootummaa beeksisee jira.  


Magaala Finfinnee keessatti hidhamanii kan turanii keessaaa hedduun hikamuun tarkaanfii nama jajjabeessuu ta’u komishiniin mirga namooaa kan Itiyophiyaa beeksisee jira jechuun yonaataan zabdiwoos Hawaasaa irraa gabaaseera.  


Labsii yeroo muddamaa sana wajjiin wal-qabatee yakka shororkeessummaatiin shakkamuun namoonni hidhaman haala itti hiikaman kan ibsan, Ministara Taajila Koomiyunikeeshinii Mootummaa – Dooktor Leggesee Tulluu ti.  


 “Humnoota nageenyaatiin shakkamanii namoota hidhaman keessaa gurmuulee shororkeessotaa wajjiin hojjechuun isaanii akka biyya ganuutti akka ilaalamu amananii, gochaa isaaniitti gabbaanii kanneen dhiifama gaafatan, sadarkaan balleessaa isaanii xiqqaa ka tahee fi mootummaan balleessaa isaanii irraa deebi’anii jiru jedhee, dhimma isaa garaa bal’aadhaan ilaaleekan adda baase namoonni bay’een dhiifamaan akka gad-lakkisaman taasisamanii jiru. Gidduu kana. Kaleessa irraa jalqabee. Kanneen biroonis akkasuma haalli isaanii ilaalamee, itti fufinsaan kan gad-lakkisaman tahu. Namoonni rakkoo sana keessatti taatota ijoo tahan immoo dhimmi isaanii qulqulleefamee gara mana murtiitti dhihaatu ,” jedhan, Dr. Leggeseen.


Gabaasaa guutuu caqasaa. 






  திற / கருத்து

2022-01-07 10:56:12 Chaayinaan Gaanfa Afriikaaf Jila Addaa Ramadde
https://www.voaafaanoromoo.com/a/chaayinaan-gaanfa-afriikaaf-jila-addaa-ramadde/6385667.html

Ministriin dhimma alaa Chaayinaa Ennaa daawwannaa isaanii keeniyaatti geggeessan, naannoo sanatti nageenyi akka buufatuuf jilli gaanfa Afriikaa akka ramadamu beeksisan.


Labsiin kun kan dhaga’ame muddee ja’a kamisa har’aa ministeera dhimma alaa Wang Yi biraa ti. Kana kan dubbatan Tplf fi mootummaa muummicha ministeeraa Abiy gidduutti wal waraansa geggeessamu dhaabsisuuf yaalii diplomaasummaa gochaa kan jirtu Keeniyaa ennaa daawwatanitti. திற / கருத்து

2022-01-07 10:56:12 Dhimma Feltman Angawoota Waliin Dubbatan Ammaaf Quba Hin Qabu: Ministrii Dhimma Alaa Itiyoophiyaa
https://www.voaafaanoromoo.com/a/dhimma-feltman-angawoota-waliin-dubbatan-quba-hin-qabu-ambaasaddor-diinaa/6385598.html

Dubbi himaan ministrii dhimma alaa Itiyoopiyaa ambaasaaddr Diinaa Muftii gaanfa Afriikaatti jila addaa Yunaayitid Isteetis ambasadder Jefrii Feltman angawoota Itiyoophiyaa waliin dhimma isaan irratti mari’achuuf jiran hanga ammaa quba kan hin qabaanne ta’uu gaazixeessota biyya keessaaf alaaf ibsanii jiran.




Ministriin dhimma alaa Yunaayitid Isteetis akka jedhetti imalli jila addaa kun kan karoorfame haala kaaba Itiyoophiyaa fi dhimma araaraa TPLF waliin jiru irratti mari’achuuf jecha. Gama biraan Human rights watch dhalattoota Tigraay kanneen Saud Arabiyaa dhaa deebi’an irratti hidhaa fi yakkaawwan ka biroo raawwatame jedhan ambaasaadder Diinaan fudhatama dhabsiisanii jiran jedha Meleskachoo Ammahaa Finfinneerraa. திற / கருத்து

2022-01-05 10:01:42 Saayintistoonni Faransaay Akaakuu Koovid Haaraa Jijijjiiramuu fi Talaalii Diduun Isaa Ka Duraanii Caalu Argan
https://www.voaafaanoromoo.com/a/6382916.html

Yeroo Addunyaan babal’achuu vaayirasii Koovid – akaakuu “Omniikiroon” jedhamuun yeroo wal’aansoo qabuu itti fufee jiru kanatti Saayintistoonni Faransaay immoo akaakuu vaararsii Koovid haaraa kan akkaataa baay’eetti of jijjiiruu danda’u argachuu isaanii dubbatan.  


Baatii Mudde darbee keessa akaakuu vaaresichaa argachuu ka dubbatan - Ogeeyyiin qorannaa fayyaa dhaabbata IHU Meditraaniyaan Infection jedhamu, ka Marsiyeel keessaa hojjetan, namoota 12 irratti vaayirasicha arguu isaanii fi kanneen keessaa tokko biyya Afrikaa Waaltaa keessa jirtu – Kaameruunitti imalee ka deebi’e tahuu ibsan.   


Vaayiresichi akaakuu haaraa si’a 46 of jijjiiruu kan danda’u tahuu kan eeran saayintistoonni Faransaay, kun akaakuu vaarasii Koovid ka jalqaba mul’ate caalaa taalaalii dura ka dhaabbatuu fi kan namatti daddabru tahuu ibsan. 


​ திற / கருத்து

2022-01-05 10:01:42 Waraansi Yemen Keessaa Tibbana Hammachuu tu Himama 
https://www.voaafaanoromoo.com/a/6382911.html

Magaalaa Yemen tarsiimoftuu – Mariib keessatti har’a walitti-bu’insa haaraa uumameen loltoonni gara dhibba lamaa du’uu isaanii, maddeen waraanaa fi kan eegumsa fayyaa har’a beeksisanii jiran.   


Wal-waraansi waggoota toorbaaf biyyattii keessatti geggeessame hammaataa deemuun illee dhaga’amaa jira.  


Maddeen eegumsa fayyaa Ajaansi Firaansi Pireesiif akka himanitti, humnoota gamtaa Saawudiin hoogganamuu fi humnoota deggertoota mootummaa gidduutti, waraansa kutaalee Maaribiin wal-daangessan Shabwaa fi Al-Baayidaa keessatti geggessameen riphxee-loltoonni Hutii 125 ol haleellaa humna qilleensaatiin ajjeesaman.  


Murni waraanaa deggertoota mootummaa guddaan Saawudii fi imeretoota Arabaatiin deggeramus lola kana keessatti loltoota isaa toorbaatamaa ol dhabuu – maddeen mootummaa dubbatanii jiran. Sa’atiilee 24 dabran keessatti ture waraansichi ka geggeessame.  


Gamtaan humnoota deggertoota mootummaa Saawudiin hoogganamu gara waggoota toorbaaf, riphxee-loltoota Hutii ka waraanaa ture yoo tahu, akka Tokkummaan Mootummootaa jedhutti, uummata miliyoona hedduu manaa fi qehee irraa buqqisee, addunyaa irratti rakoo namoomaa isa hamaa uummee jira.   


  திற / கருத்து

2022-01-05 10:01:42 Keeniyaa Keessatti Gurmuun Tajaajila Uummata  Lammiwwan Iyyeeyyii Koovid’n Qabaman Gargaaraa Jira  
https://www.voaafaanoromoo.com/a/6382909.html

Afrikaa keessatti ganda iyyeessonni keessa jiraatan guddicha ka  magaalaa Naayiroobii keessatti, gareen tajaajila fayyaa hawaasaa tokko namoonni yeroo dhukkuba KOVIDn qabaman akka tajaajila fayyaa hatattamaa gatii laafaadhaan argatan gargaaraa jira.  


Namoonni iyyeeyyiin kanneen akka ganda Kibeeraafaa keessa tajaajila fayyaa hatattamaa argachuun ulfaataa yo tahu, gandeen hospitaalonnii fi kilinikoonni jiran keessattillee – kan geejjiba Ambulaansii dabalatee gatiin tajaajila yeroo hatattamaa kan of irraa baasuun danda’amu miti.  


Kan ganda Kibeeraa keessatti dhalatee guddate – Moosees Omondii, gurmuu hawaasaa ka tajaajila fayyaa yeroo hatattamaa hundeessuudhaan, jiraattoota gandeen iyyeeyyiif, geejjiba ambulaansii dabalee -  tajaajila fayyaa yeroo hatattamaa baatii tokkotti qarshii tokkoon kennaa jira.  


“Namni Ambulaansiin tajaajila fayyaa yeroo hatattamaaf geessamee, kilinikonnii fi hospitaalonni tajaajila kennuu hin didan,”  jedha – Mooses Omoondii.  


Naayiroobii keessatti, dhabbatoota kan mootummaa hin taanee fi jaarmayaalee gargaarsaa kaan tu tajaajila kana deggera.   Haga ammaatti ganda iyyeessaa magaalattii keessaa kan uummata kuma dhibba lamaa fi kuma shantama qabu keessatti, konkolaataa Ambulaansii tokkittii tu tajaajilicha kennaa jira. Aangawoonni lakkoobsa kana gara shaniitti ol guddisuuf abdii qaban.  


Tajaajili geejjiba Ambulaansii Keeniyaa keessaa, akaakuu tajaajila kennamuu irratti hundaa’uudhaan, hanga doolaara Ameerikaa 400tti gatii nama baasisa.  


​ திற / கருத்து

2022-01-05 10:01:42 Gurmuuleen Deggertoota Dimookiraasii Sudaan Mormii Uummataa Waaman   
https://www.voaafaanoromoo.com/a/6382902.html

Muummichi-ministaraa Sudaan Abdallaa Hamdook jalqaba torban kanaa irra ofiin taayitaa gad-lakkisuu hordofee yeroo biyyattiin daran jeeqama keessatti kuftee jirtu kanatti gurmuuleen deggertoota Dimookiraasii, hiriira mormii uummataa, ka farra fonqolcha mootummaa waamaa jiru. Muummichi Ministaraa Hamdook Onkoloolessa dabre ka taayitaa irraa fonqolchamanii turan yoo tahu, baatii tokkoo booda ammoo akka maddamsuunii fi mormiileen farra fonqolcha mootummaa biyyattii keessatti kaka’e gab jedhu gochuutti qofa ka fuuleffate marii geggeessameen akka taayitaatti deebi’an taasisaman. Kana irratti oduu dhaa booda gabaasaa qabna.   


​ திற / கருத்து

2022-01-05 10:01:41 Jiraattonni 195,000 Ol Ta’an Qe’ee Isanii Irraa Buqqa’aniiru 
https://www.voaafaanoromoo.com/a/6382665.html

Jiraattonni Godinaalee kanneenii tokko tokko kan Raadiyoon Sagalee Ameeikaa bilbilaan dubbise akka himanitti "humnoota nageenyaa mootummaa , Faannoo fi Hidhatoota shanee wal ta'uun lubbuu namaa fi qabeenyaa irratti haleellaa raawwate jechuun ibsaniiru.



Dhimma kanarratti, obbo Haayiluun, "Kuni soba' erga jedhan booda, "baatii Onkololeessaa darbe keessa Finxaaleyyiin Afaan Amaaraa dubbatan, namoota nagaa ajjeesanii turani, amma immoo hidhatoota shaneetu ajjeechaa raawwate jechuun itti dabalan.



Hidhattootni Mootummaan "Shanee" jedhu, isaan ammoo "WBO" jechuun of waaman, gochoota mootummaan ittiin himatu, kanaan dura haalaa turan.



Komishinarri Itti aanaa Komishinii Hooggansa Sodaa Balaa, Obbo Garramuu Oliiqaa, "Buqqaatota Godina Wallaggaa Bahaa kuma 195 ol tahaniifi akkuma Oromiyaatti, bakka garaa garaa keessaa qe'ee ofiirraa buqqa'an deebisuuf hojjatamaa jira" jedhaniiru.



Dhimma kanarratti, Ministeera Nageenyaa Federaalaa irraa deebii argachuuf yaaliin goone ammaaf hin milkoofne.








  திற / கருத்து

2021-12-28 07:26:45 Godina jimmaa keessatii ajjeechaan raawwatame
https://www.voaafaanoromoo.com/a/maatii-prezidaantii-naannoo-oromiyaa-alamaayyoo-atoomsaa/6371752.html

Jimaata darbe hidhattoonni maatii Prezdentii Naannoo Oromiyaa duraanii Obbo Alamaayyehu Atoomsaa ajjeesuu firoottan isaanii dubbatanii jiran. Ilmi Obboleessa obbo Alamaayyoo Atoomsaa Addisuu Adabaa akka jedhanitti hidhattoonni kun Godina Jimmaa Aanaa Noonnoo Beenjaa Ganda konchiitti dhukaasa bananiin maatii Obbolaa Obbo Alemaayyehu namoota sadii fi firoota isaaanii kaan shan ajjeesuu himeera. Bulchiinsi Aanaa Noonnoo Beenjaas rakkoon kun mudachuu mirkaneessee jiraa Galmoo Daawit dabalata qaba. திற / கருத்து

2021-12-28 07:26:44 Niiw Yoork Keessatti Lakkoobsii Ijoolleen Vaayrasii Haaraan Qabamanii Hospitaala Ciisan Akkaan Dabalaa Jira
https://www.voaafaanoromoo.com/a/waajjirri-fayyaa-kan-kutaa-neew-yoork-ibsa-jimaata/6371719.html

Waajirri Fayyaa kan kutaa Neew Yoork ibsa Jimaata dabree  baaseen, lakkoobsii ijoollee KOOVIID-19n qabamanii hospitaala cisanii dacha 4n dabalaa jira jechuun akeekkachiise. 


Aleekkachiisa kanaaNis, kan dacha afuriin dabalee kanneen umriin isaanii 18 fi Sanaa gadii yoo ta’u, kan jalqabee amauddee 5 qabee hanga torban darbeetti. 


Isaan kana keessaa walkkaa kan umriin waggaa 5ni gadii kanneen talaalii farra KOOVIID fudhachuu hin dandeeye ta;yyn ibsamee jira. திற / கருத்து